9:180  labitur,  me  non  valde  commovet.  Quanquam  decebat  suae  calamitatis  memores  paulo  clementius  cum  tot  ecclesiis  agere,  quarum  anxias  et  serias  preces  pro  illorum  liberatione  toto  triennio  assidue  sibi  fuisse  oblatas  testis  est  Deus.  Privatim  illis  displicuit  meae  contra  Westphalum  Defensionis  austeritas:  illius  rabiem  pronunciant  necessarium  esse  zelum.  Mihi  a  tam  iniusta  saevaque  intemperie  ad  Dei  tribunal  provocare  satis  est.  Interea,  quamvis  taceam,  vident  omnes  perverso  Philippi  odio  tam  submisse,  ne  dicam  sordide,  Westphalo  eos  adulari.  Verecunde  facere  visus  est  Matthias  Illyricus  *)  nomen  suum  a  caterva  [pag.  116]  removens:  sed  mox  subscriptione  addita  famae  suae  non  satis  consuluit.  Nam  quantumvis  me  atris  carbonibus  notet,  is  tamen  sum  quem  reverenter  sua  manu  non  ita  pridem  salutare  dignatus  est.  Eadem  est  Erasmi  Sarcerii2)  ratio,  qui  me  literis  praeceptorem  fide  perpetua  colendum  appellans,  inter  detestabiles  haereticos  sua  censura  locat.  Ac  praeceptoris  quidem  elogium  libenter  remitto,  fidei  tantum  constantiam  desidero  in  fraternae  benevolentiae  cultu.  Cui  finem  non  aliud  quam  doctrinae  mutatio,  quae  nulla  in  me  est,  afferre  debuit.  Sed  ne  magis  quam  par  sit  propriae  causae  intentus  esse  videar,  posthac  non  nisi  doctrinam  ipsam  attingam.  Quod  Christum  autorem  esse  dicunt  coenae  suae,  et  inde  colligunt  efficientem  esse  causam,  controversia  semper  caruit.  Quod  duas  enumerant  materiales3)  causas,  externa  scilicet  panis  et  vini  elementa,  deinde  [pag.  117]  corpus  et  sanguinem  Christi,  in  hac  quoque  parte  illis  astipulor.  Nam  verum  et  naturale  Christi  corpus  nos  a  coena  penitus  removere,  falsum  et  calumniosum  est.  Minus  etiam  tolerabilis  est  petulantia,  nos  facere  typos,  umbras,  phantasmata  et  praestigias  corporis  Christi:  nisi  forte  futili  mendacio  se  obliterare  posse  credunt  quod  pridem  tam  in  mea  Institutione,  quam  alibi  saepius  clare  testatus  sum,  non  modo  in  genere  omnium  sacramentorum  materiam  Christum  ab  initio  fuisse,  sed  in  sacra  coena  hoc  praecipue  impleri.  Neque  id  in  mea  ad  Westphalum  responsione  tacitum  praeterii.  Quomodo  autem  nobis  corpus  et  Christi  sanguis  materia  sint  coenae,  plenius  deinde  explicabimus.  Hoc  tantum  nunc  dicendum  fuit,  Magdeburgenses  odiose  nos  gravando,  statim  a  limine  causam  ipsam  maligne  obscurare.  In  causa  formali  nihil  mirum  si  ab  illis  dissentio.  Dicunt  copulationem  [pag.  118]  esse  elementorum  panis  et  1)  Flamus  separatim  subscripsit  Gollegarum  confessioni  praemissa  peculiari  declaratione,  I.  c.  H.  3  verso.  2)  Sarcerii  Testimonium  sequitur  JBlacianum  ibid.  H.  4  verso.  Epistola  eius  ad  Calvinum  ad  quam  hic  alludit  nulla  hodie  exstat  3)  mutuelles  (!).