6:180  Nom,  par  oeuvres  et  par  parolles.  Donne  nous  donques  en  ceste  maniere,  Pere  celeste,  de  celebrer  auiourdhuy  la  memoire  et  recordation  1)  bien-heureuse  de  ton  cher  Filz,  nous  exerciter  en  icelle,  et  annoncer  le  benefice  de  sa  mort:  afin  que  recevant  nouvel  accroissement  et  fortification  en  Foy  et  en  tout  bien,  de  tant  plus  grande  fiance  nous  te  renommions  nostre  Pere,  et  nous  glorifions  en  toy.  Amen.  Apres  avoir  acheve  la  Cene,  on  use  de  ceste  action  de  graces,  ou  semblable.  Pere  Celeste,  nous  te  rendons  louenges  et  graces  eternelles,  que  tu  nous  as  eslargy  un  tel  bien,  a  nous  paovres  pecheurs,  de  nous  avoir  attire  en  la  communion  de  ton  Filz  Iesus  Christ,  nostre  Seigneur,  l'ayant  livre  pour  nous  a  la  mort,  et  le  nous  donnant  on  viande  et  nourriture  de  vie  eternelle.  Maintenant  aussi  octroye  nous  ce  bien,  de  ne  permettre,  que  iamais  nous  ne  mettions  en  oubly  ces  choses:  mais  plustost  les  ayant  imprimees  en  noz  coeurs,  nous  croissions  et  augmentions  assiduellement  en  la  Foy,  laquelle  besongne  en  toutes  bonnes  oeuvres  :  et  en  ce  faisant,  ordonnions  et  poursuyvions  toute  nostre  vie  a  l'exaltation2)  de  ta  gloire,  et  edification  de  nostre  prochain,3)  par  iceluy  Iesus  Christ  ton  Filz,  qui  en  l'unite  du  sainct  Esprit,  vit  et  regne,  avec  toy  Dieu  eternellement.  Amen.  La  benediction  qu'on  fait  au  depart  du  peuple:  selon  que  nostre  Seigneur  Va  ordonnee.  Nomb.  6'.4)  Le  Seigneur  vous  beneisse,  et  vous  conserve.  Le  Seigneur  illumine5)  sa  Face  sur  vous  et  vous  face  misericorde,6)  Le  Seigneur  retourne  son  viaire7)  envers  vous,  et  vous  maintienne  en  bonne  prosperite.  8)  Amen.  D'autant  que  VEscripture  nous  enseigne,  que  pestes,  guerres,  et  autres  telles  adversitez,  sont  visitations  de  Dieu,  par  lesquelles  il  punit  noz  pechez:  quand  nous  les  voyons  venir,  il  nous  fault  recongnoistre,  que  Dieu  est  courrouce  contre  nous:  et  lors  si  nous  sommes  vrays  fideles,  nous  avons  a  recongnoistre  noz  faultes  pour  nous  desplaire  en  nousmesmes,  retournans  1)  et  recordation,  manque  1558  suiv.  2)  1558  suiv.:  l'avancement.  3)  1558  suiv.:  noz  prochains.  4)  1558  suiv.:  avoit  ordonne  en  la  Loy.  5)  1558.1566:fasse  luire.  6)  1558.1566:et  vous  soit  propice.  7)  1545.  1566:visaige.  8)  IJ  ed.  de  1545  ajoute  ici:  Ailes  en  paix,  L'esprit  de  Dieu  vous  conduise  en  la  vie  eternelle.