5:180  cum  carne,  aut  rationem  cum  cupidine:  sed  animam  ipsam,  quatenus  a  spiritu  Dei  regitur,  secum  luctari,  quatenus  adhuc  spiritu  Dei  vacua  est,  suisque  cupiditatibus  addicta.  Scimus,  dum  simul  iunguntur,  per  animam,  voluntatem  designari:  per  spiritum  vero,  intellectum.  Sic  loquitur  Iesaias,  Anima  mea  desideravit  ad  te  in  nocte:  sed  et  in  spiritu  meo  intra  me  vigilabo  ad  te  (Ies.  26,  9).  Et  Paulus,  quum  precatur  ut  Thessalonicenses  integro  sint  spiritu,  et  anima  et  corpore,  ita  ut  in  nullo  possint  culpari  in  adventu  Domini  nostri  Iesu  Christi  (1  Thess.  5,  23):  hoc  enim  vult,  ut  recta  omnia  cogitent  et  velint,  nec  membra  sua  exhibeant  arma  iniquitatis  peccato.  Eodem  pertinet,  quod  scribit  alibi  apostolus  ipse:  1)  sermonem  Dei  vivum  esse,  et  penetrantiorem  omni  gladio  ancipiti,  pertingentem  usque  ad  divisionem  animae  et  spiritus  compagumque  et  medullarum,  discretorem  cogitationum  cordis  (Hebr.  4,  12).  Quanquam  in  hoc  postremo  loco  nonnulli  per  spiritum  malunt  intelligere  essentiam  illam  cui  inest  ratio  ac  voluntas,  de  qua  nunc  disceptamus:  per  animam  autem,  vitalem  motum,  et  sensus  quos  philosophi  superiores  et  inferiores  vocant,  id  est,  ὁρμὰς  καὶ  αἰσθήσεις.  Verum  quum  utrumque  plurimis  locis  essentiam  immortalem,  quae  in  homine  vitae  causa  est,  significet,  non  rixandi  causas  captent  ex  nominibus,  sed  rem  ipsam  percipiant,  quocunque  significetur  nomine.  Id  vero  quam  verum  sit,  nunc  doceamus.  Incipiemus  autem  ab  ipsa  hominis  creatione,  in  qua  perspiciemus,  qualis  ab  initio  factus  fuerit.  Sacra  historia  nobis,  ante  creatum  hominem,  commemorat  Dei  consilium  de  faciendo  ipso  ad  imaginem  et  similitudinem  suam  (Gen.  1,  26).  Quae  verba  de  corpore  nullo  modo  accipi  possunt.  In  quo,  tametsi  mirabile  opus  Dei,  prae  caeteris  corporibus  creatis,  apparet,  nulla  tamen  eius  imago  effulget.  2)  Quis  enim  haec  loquitur:  Faciamus  hominem  ad  imaginem  et  similitudinem  nostram?  nempe,  Deus,  qui  spiritus  est,  qui  nulla  corporis  effigie  repraesentari  potest.  Atqui,  ut  imago  corporea,  quae  faciem  externam  nobis  refert,  debet  ad  vivum  exprimere  omnia  lineamenta  et  omnes  ductus,  ut  ex  pictura  vel  sculptura  concipiamus,  quaecunque  in  exemplari  conspici  possunt:  ita  haec  imago  Dei  debet,  sua  similitudine,  aliquam  Dei  cognitionem  in  animis  nostris  informare.  Audio  quosdam  eorum  sic  nugari,  ut  dicant  imaginem  Dei  referri  ad  imperium  quod  traditum  [fol.  4]  est  homini  in  beluas:  quod  homo  ea  in  parte  simile  aliquid  cum  Deo  habeat:  cuius  imperium  est  in  omnia.  In  quem  lapsum  Chrysosto-  1)  Sic  1542  et  1545.  Ipse  omittunt  caeterae  omnes.  Gallus  habet:  l'Apostre  aux  Hebrieux.  2)  Ambrosius  libro  VI  hexaem.  Augustinus  c.  4.  de  trinitate  et  alibi.