30:180  mus  nos  non  tantum  corporalem  castigationem,  sed  aeternam  damnationem,  propter  innatam  nobis  corruptionem  mereri.  Sed  quum  Deus  improbos  diabolorum  manu  corripit,  et  ipsis  tradit,  longe  alia  est  ipsorum  quam  fidelium  conditio,  quod  hi  quidem  ita  castigantur,  ut  in  salutem  ipsis  cedat  castigatio,  improbis  autem  et  infidelibus  in  exitium.  Caeterum  Deum  observemus  sic  uti  diabolorum  opera,  ut  nulla  in  ipsum  cadere  possit  accusatio  mali  quod  admittunt,  quandoquidem  prava  diabolorum  voluntate  ad  suorum  iudiciorum  exsequutionem  abutitur.  Diaboli  quidem  nihil  nisi  perditionem  animarum  nostrarum  per  se  expetunt:  sed  ipsis  ita  Deus  utitur,  ut  ad  peccatorum  agnitionem  venientes  veniam  deprecemur,  et  cum  humilitate  ad  Deum  accedamus  a  vitiis  purgandi  et  liberandi.  Atque  ita  quidquid  Deus  per  illos  licet  prava  instrumenta  exsequitur,  iustum  et  aequum  est.  Diaboli  vero  quid  aliud  quam  crudelitatem,  quam  rebellionem  et  contumaciam  spirant?  Sed  ita  tamen  Deus  opus  suum  perficit.  Ac  permittit  quidem  nonnunquam  habenas  illis,  ut  crudeliter  etiam  in  Dei  filios  saeviant:  sed  quis  tandem  est  istius  ipsorum  crudelitatis  exitus?  Nempe  Deus  tandem  non  impunitam  relinquet  crudelitatem  et  tyrannidem,  quam  isti,  licet  divinae  iustitiae  administri  et  instrumenta,  exercuerunt,  quae  tandem  in  ipsorum  condemnationem  et  exitium  est  redundatura.  Nam  etsi  illi  quidem  malum  quod  poenis  dignum  est  puniunt,  non  tamen  in  Dei  voluntatem  respiciunt,  sed  potius  furorem  suum  et  rabiem  qua  bonos  oderunt  sequuntur.  Eadem  improborum  esto  ratio,  quibus  saepe  Deus  utitur  iustitiae  suae  administris:  nam  saepe  Deus  per  improbos  sua  iudicia  exercet.  Quid  enim  putatis  fieri  quum  bella  excitantur,  nonne  Deo  movente  boininum  voluntatem?  Certum  enim  est  Deum  istis  modis  velle  populorum  malitiam  castigare:  et  tamen  non  eximere  poenis  meritis  eos  quibus  instrumentis  usus  fuerit.  An  enim  existimamus  ideo  gratos  et  acceptos,  quod  per  eos  impleta  sua  sint  iudicia  ?  Minime  gentium  :  sed  odit  potius  quos  avaritia,  quos  furor,  quos  crudelitas,  quos  ambitio,  non  autem  Dei  gloriae  studium  impulit  et  excitavit.  Sed  illi  tamen  Dei  votuntatem  exsequuntur,  et  iudicia  perficiunt.  Sane  quidem:  verum  alieno  a  Dei  voluntate  et  obedientia  animo.  Et  illi  quidem,  fateor,  suos  conatus,  nisi  Deo  permittente,  perficere  non  possent.  Nam  Deus  ipse  bella  movet:  Deus  ad  arma  vocat,  ipse  Deus  ferit  et  caedit.  Quibus  vero  tandem  usus  instrumentis?  Hominibus  sane  iustitiae  suae  administris  utitur,  qui  tamen  suis  operibus  condemnantur.  Verum  enimvero  nonne  digni  sunt  excusatione,  quos  eo  Deus  impulit?  Minime  gentium,  quum  eorum  condemnatio,  non  ab  hoc  ultimo  peccato,  sed  a  praeteritis  transgressionibus  et  flagitiis  manarit,  ultimumque  secum  exitium,  veluti  ium  redun-