29:180  la  vie  presente,  que  nous  ayons  le  soin  de  nostre  nourriture  et  victuailles,  et  que  nous  soyons  tant  adonnez  a  ce  monde,  que  le  royaume  des  cieux  ne  nous  soit  rien:  nous  pourrons  travailler  beaucoup,  et  mesmes  nous  rompre  bras  et  iambes,  mais  il  n?y  aura  nul  profit,  plustost  le  tout  reviendra  a.  nostre  confusion.  Notons  donc  de  ce  passage,  qu'il  faut  qu'en  premier  lieu  Dieu  soit  cogneu  de  tous,  et  que  la  dessus  nous  attendions  qu'il  aura  un  soin  paternel  de  nous,  non  seulement  pour  nous  appeler  en  l'heritage  celeste,  mais  cependant  que  nous  serons  pelerins  en  ce  monde,  et  que  nous  aurons  a  y  vaguer,  qu'il  nous  provoyra  des  choses  qui  nous  sont  necessaires.  LE  SEPTIESME  SERMON  SUR  LE  CHAP.  XXXIII.  V.  20-25.  DU  SAMEDI  4B  DE  IUILLET  1556.  Nous  avons  ici  a  traitter  la  benediction  de  la  lignee  de  Gad,  auquel  le  nom  fut  impose,  pource  que  puis  que  sa  mere  avoit  eu  plusieurs  enfans  de  Iacob,  elle  dit  alors  de  Gad:  En  nombre,  ou  En  bande,  s'esiouissant  de  ce  que  Dieu  l'avoit  ainsi  rendue  fertile,  au  lieu  qu'elle  avoit  este  mesprisee  de  son  mari,  et  cpmme  reiettee.  Et  voila  pourquoy  aussi  Iacob  benissant  son  fils,  dit:  Qu'il  y  aura  armee  contre  Gad,  mais  qu'il  veincra.  En  quoy  il  signifie,  que  tout  ainsi  que  la  mere  avoit  este  fertile  en  enfans,  aussi  Gad  aura  grande  lignee,  et  qu'il  sera  multiplie,  tellement  qu'il  pourra  surmonter  ses  ennemis.  Moyse  conferme  et  ratifie  ceste  promesse,  disant:  Que  Dieu  elargira  Gad.  Nous  voyons  donc  comme  en  ceste  promesse  Moyse  a  monstre  que  ce  n'estoit  point  en  vain  que  Gad  avoit  este  benit  en  sa  personne,  et  que  Dieu  poursuyvroit  ceste  grace-la  en  toute  sa  lignee,  et  que  ce  peuple  en  general  seroit  tousiours  recommande  a  Dieu,  pour  accomplir  tout  ce  qu'il  avoit  dit  tant  a  Abraham  qu'aux  autres  Patriarches.  Or  il  nous  faut  tousiours  appliquer  ceci  a  nostre  usage:  et  combien  que  ce  nom  auiourd'huy  ne  nous  appartienne  pas,  si  est-ce  que  nous  avons  ��  recueillir  une  doctrine  generale,  que  toutes  les  promesses  qui  sont  donnees  en  l'Escriture  saincte,  nous  les  pouvons  bien  appliquer  a  nous:  et  appliquer  en  telle  sorte,  que  tousiours  nous  concluions,  qu'il  n'y  aura  point  une  seule  minute  qui  nous  defaille.  Or  Moyse  adiouste:  Qu'il  sera  comme  un  lion  deschirant  la  proye,  tant  la  teste  que  U  bras.  En  quoy  il  signifie  que  le  peuple  aura  des  ennemis,  mais  qu'il  les  repoussera  avec  violence.  En  somme  nous  voyons