27:180  mais  qu'il  en  a  reserve  la  declaration,  lors  que  le  peuple  est  entre  en  son  heritage.  Et  notamment  il  dit,  que  les  Iuifs  hahiteront  a  repos,  et  seurement,  encores  quHls  ayent  leurs  ennemis  a  Venviron.  Or  par  cela  il  nous  est  monstre  que  ce  n'est  point  assez  d'avoir  conqueste  le  pays:  mais  qu'il  falloit  que  Dieu  les  y  maintinst  sous  sa  protection.  Or  comme  le  peuple  estoit  admoneste  de  cela,  aussi  auiourd'huy  il  nous  appartient:  car  Dieu  nous  declaire  que  s'il  nous  a  appellez,  c'est  comme  s'il  nous  avoit  fait  passer  la  mer  rouge.  Il  est  vray  qu'il  nous  pourroit  bien  appeller  sans  que  nous  changions  de  lieu:  mais  regardons  ou  c'est  que  Dieu  nous  prend,  et  ou  c'est  qu'il  nous  attire.  Or  il  nous  prend  au  profond  d'enfer:  quand  nous  sommes  en  nostre  nature,  nous  n'avons  nul  acces  au  royaume  des  cieux,  nous  n'avons  nulle  accointance  avec  luy,  nous  sommes  bannis  de  toute  esperance  de  vie:  et  apres  qu'il  nous  a  retirez  d'une  telle  confusion,  il  nous  esleve  a  soy,  afin  que  nous  y  adherions:  et  combien  qu'auiourd'huy  nous  habitions  en  terre,  nous  ne  laissons  pas  toutesfois  d'estre  heritiers  de  cest  heritage  celeste.  Cela  est  beaucoup  plus  que  si  nous  passions  une  mer  rouge.  Car  nous  avons  un  ennemi  plus  grand,  et  plus  robuste  que  n'estoit  pas  Pharao  avec  tout  son  peuple:  quand  nous  avons  tous  les  diables  contraires  a  nous,  et  qui  taschent  d'empescher  nostre  salut,  et  qui  en  ont  les  moyens,  et  qui  sont  si  rusez:  que  pouvons-nous  faire?  Ils  sont  appellez  princes  de  l'air,  ils  dominent  sur  nos  testes  pour  nous  accabler,  sinon  que  Dieu  nous  en  delivre.  Voila  donc  une  vertu  grande  que  Dieu  demonstre,  quand  il  luy  plaist  de  nous  recueillir  a  soy.  Mais  ce  n'est  rien,  sinon  que  nous  soyons  conservez  sous  sa  main,  et  sous  sa  garde.  Car  cependant  que  nous  serons  en  ce  monde,  nous  serons  tousiours  environnez  de  nos  ennemis.  Le  Diable  ne  cesse  de  nous  molester,  il  a  ses  astuces  et  ses  finesses  et  de  nostre  coste  nous  sommes  desarmez  et  desprouveus:  il  faut  bien  donc  que  Dieu  soit  nostre  protecteur.  Et  mesme  ii  ne  faut  point  que  le  diable  vienne  de  loin:  car  desia  nous  portons  en  nous  tant  de  vices  que  nous  serions  cent  fois  veincus  sans  grand  assaut  ni  alarmes.  Notons  bien  donc  que  tout  ainsi  que  Dieu  a  promis  aux  Iuifs  de  les.  garder  en  l'heritage  qu'il  leur  donnoit,  il  faut  auiourd'huy  que  nous  soyons  maintenus  par  sa  main  en  la  foy,  et  en  la  perseverance  de  son  service:  ou  autrement  voila  nostre  salut  qui  perira  a  chacune  minute  de  temps,  qu'il  n'y  aura  nulle  fermete,  ne  demeure.  Or  apres  cela  Moyse  adiouste,  Dieu  veut  qii  alors  vous  le  serviez  au  lieu  qu'il  elira  pour  y  mettre  son  nom.  Comme  s'il  disoit,  qu'il  ne  faut  point  que  nous  constituions  nostre  repos  a  inventer  ceci  ou  cela:  mais  que  nous  soyons  paisibles,