10.1:180  communi  omnium  sensu  comprobata,  Deum  praeferre  obedientiam  sacrificiis  omnibus.  Quare  ut  res  subtilius  non  expendatur,  satis  constat,  a  Deo  reiici,  quidquid  ipsius  voluntati  non  respondet.  Testimonium  autem  voluntatis  Domini  ex  una  scriptura,  in  qua  consignatum  exstat,  petendum  est.  Unde  fit,  ut  quidquid  sese  offeret  quod  repugnet  scripturae,  ab  eo  mihi  cavendum  sit,  nisi  sciens  in  Deum  peccare  velim.  Hoc  autem  loco  habere  me  quae  communi  consensu  tam  sancta  esse  credantur,  absurdum  tibi  videri  potest.  Verum  hoc  unum  a  te,  mi  pater,  postulo,  ut  quum  ea  sim  aetate  quae  ad  quidvis  admittendum  magis  prona  iudicari  solet,  ne  tamen  hoc  meum  tantis  de  rebus  iudicium  iuvenili  levitati  adscribas:  quum  potius  idoneo  et  omni  exceptione  maiore  veritatis  testimonio  pressus  ac  pervictus,  ita  sentire  coeperim.  Quod  enim  per  Dei  gratiam  et  legendo  et  audiendo  assequi  datum  est,  illi  refragari  tandem  non  potui.  Quamobrem,  mi  pater,  ubi  ex  illa,  certa  scientia,  quae  conscientiam  meam  regere  debet,  aliquid  malum  esse  mihi  constat,  illi  interesse  nefas  mihi  iudico,  etsi  mihi  non  parum  dolet,  quod  ab  illis  rebus  abstinere  sine  tui  offensione  non  possum.  Nihil  enim  mihi  et  optabilius  est,  et  meo  voto  accommodatius,  quam  ut  meum  tibi  obsequium  praestem,  atque  approbem.  Unum  me  impedit,  cuius  a  te  imputationem  supplex  deprecor,  quod  reluctante  conscientia  si  quid  aggrediar,  me  ipsnin  in  me  iudicem  ferre  cogar.  Absit  vero  a  moribus  meis  omnis  arrogantiae,  et  de  me  Bupra  alium  quemquam  existimationis  labes.  Tantum  hoc  volo,  quod  qui  a  Deo  edoctus  sim,  quid  rectum  sit  vel  secus,  illud  insuper  habere  iam  non  possim.  Quumque  singulis  de  se  apud  illum  ratio  aliquando  reddenda  sit,  ut  aliis  sua  ignorantia  in  Dei  iudicio  fraudi  etiam  non  sit,  non  video  tamen  quid  a  me  obtendi  possit,  si  a  Dei  notitia  et  vero  ipsius  cultu  mihi  explorato  semel  deflectam.  Quid  porro  in  ipsis  rerum  obtineat  argumentis,  neque  pro  meo  captu  hic  apud  te  attingo,  neque  etiam  eo  tibi  molestiam