1:180  [CO  1.  180]  De  ordinibus  ecclesiasticis.  Quartum  locum  in  eorum  catalogo  tenet  sacramentum  ordinis;  sed  adeo  foecundum,  ut  septem  ex  se  sacramentula  pariat.  Est  vero  istud  perquam  ridiculum,  quod  cum  affirment  septem  esse  sacramenta,  dum  recensere  ipsa  volunt,  tredecim  enumerant.  Neque  vero  causari  possunt,  unum  esse  sacramentum,  quia  omnia  in  unum  sacerdotium  tendunt  et  velut  quidam  ad  ipsum  sunt  gradus.  Siquidem  cum  in  singulis  diversas  esse  caeremonias  constet,  diversas  esse  gratias  ipsi  loquantur:  1)  nemo  dubitet,  quin  septem [p. 369]  sacramenta  dici  debeant,  si  eorum  placita  recipiuntur.  Et  quid  quasi  rem  ambiguam  controvertimus,  quando  ipsi  plane  distincteque  septem  declarant?  Appellan-  [OS  206]  tur  et  septem  ordines,  vel  gradus  ecclesiastici.  Sunt  autem:  ostiarii,  lectores,  exorcistae,  acoluthi,  subdiaconi,  diaconi,  sacerdotes.  Et  septem  quidem  sunt,  propter  septiformem  spiritus  sancti  gratiam,  qua  praediti  esse  debent,  qui  ad  eos  promoventur.  Augetur  autem  illis  et  largius  cumulatur  in  promotione.  Iam  numerus  ipse  perversa  scripturae  interpretatione  consecratus  est,  quod  videntur  sibi  apud  Iesaiam  (Ies.  11.  Ez.  1.  Rom.  1.  8)  legisse  septem  spiritus  sancti  virtutes,  cum  et  vere  plures  non  referantur  a  Iesaia  quam  sex,  nec  propheta  omnes  eo  loco  concludere  voluerit.  Tam  enim  alibi  spiritus  vitae,  sanctificationis,  adoptionis  filiorum  dicitur:  quam  illic  sapientiae,  intelligentiae,  consilii,  fortitudinis,  scientiae  et  timoris  Domini.  Quanquam  alii  acutiores,  non  septem  ordines,  sed  novem  faciunt,  ad  similitudinem,  ut  aiunt,  triumphantis  ecclesiae.  Atque  inter  eos  etiam  pugna  est:  quod  alii  clericalem  tonsuram  volunt  esse  primum  ordinem,  episcopatum  ultimum;  alii,  exclusa  tonsura,  archiepiscopatum  ordinibus  annumerant.  Opinio  haec  est  Hugonis,  altera  Guilliel.  Parisiensis.  2)  Isidorus  aliter  distinguit.  Facit  enim  diversos,  psalmistas  et  lectores,  Illos  cantionibus  praeficit,  hos  legendis  scripturis,  quibus  plebs [p. 370]  erudiatur.  Atque  haec  distinctio  canonibus  observatur.3)  In  tanta  varietate,  quid  sequi  aut  fugere  nos  volunt?  Dicamusne  septem  esse  ordines?  Sic  docet  magister  scholae.  Sed  illuminatissimi  doctores  aliter  determinant;  rursum,  inter  se  ipsi  dissident;  praeterea  sacratissimi  canones  alio  nos  vocant.  4)  Sic  scilicet  consentiunt  homines,  cum  de  rebus  divinis  sine  verbo  Dei  disceptant.  Iam  vero,  cum  de  ori-  1)  Lib.  4.  sentent.  dist.  24.  c.  9.  2)  Haec  verba:  Opinio  etc.  in  margine  adiecta.  Edd.  3)  Isidorus  Lib.  7.  Etymol.  allegatur  c  cleros,  dist.  21.  .  Dist.  23.  c.  lector  et  c.  ostiarius.  4)  Lib.  4.  sentent.  dist.  24.  c.  1.  duae  istarum  rationum  tanguntur  c.  cleros.  21.  dist.  tertia  c.  duo  12.  quaest.  1.