8:18  mortis  aeternae  exitium  effugiant.  Itaque  hina  auspicari  discant,  quicunque  sponte  nolunt  decipi,  et  decepti  perire:  ut  cum  Deo  sciant  sibi  esse  negotium,  cui  semel  reddenda  est  ratio:  horrendum  illud  etiam  angelis  tribunal  proponant  sibi  ante  oculos:  accusatorem  diabolum  sibi  imminere  cogitent:  audiant  [pag.  17]  conscientiae  suae  testimonium:  ad  stimulos  peccati  ne  obdurescant:  tum  minime  periculum  erit,  ne  quid  pudendum  inveniant  in  Christi  morte:  ne  ignominia  crucis  terreantur:  ne  quod  denique  aliud  obstaculum  illos  retardet.  Huius  rei  pulcherrimam  imaginem  cernere  licet  in  muliere  Samaritana.  Quamdiu  de  mystico  aquae  vivae  haustu  cum  ea  disputabat  Christus,  suaviter  garrulitate  et  cavillis  dicax  et  audacula  ludebat:l)  verum,  postquam  exprobrata  iiii  scortatione  conscientiam  eius  pupugit,  facetiarum  statim  oblita,  prophetam  reverenter  agnoscit,  quem  prius  dicteriis  vexare  non  dubitabat  (Ioann.  4,  19).  Ita  quos  offendit  in  Christo  divinitas  cum  humanitate  in  unam  personam  coniuncta,  quibus  absurdum  videtur  a  mortuo  vitam  petere,  et  crucem  maledictam  fontem  vocare  omnis  gratiae  et  salutis:  hos  sciamus2)  ideo  offendi,  quia  timore  Dei  vacui  nullum  spiritualis  doctrinae  gustum  habent.  Quare  ne  sit  nobis  offendiculo  ipsorum  stupor,  sed  potius  ab  humana  Christi  natura  ad  divinam  gloriam  feramur,  quae  omnes  curiosas  quaestiones  in  admirationem  convertat:  a  morte  crucis  ad  gloriosam  resurrectionem  dirigamur,  quae  totum  crucis  opprobrium  deleat:  a  carnis  infirmitate  ad  potentiam  spiritus  transeamus,  quae  stultas  omnes  cogitationes  absorbeat.  Tali  sensu  imbutum  fuisse  Paulum  certum  est,  quum  ita  diceret:  Non  me  pudet  evangelii  Christi,  Dei  enim  potentia  est  in  salutem  credentibus  (Rom.  1,  16).  Nam  his  verbis  eos  demum  evangelii  pudere  significat,  qui  vim  eius  salutarem  non  apprehenderunt.3)  Porro  non  aliter  apprehendi  subiicit,  quam  patefacta  ira  Dei  in  nostrum  exitium.  Quis  iam  miretur,  cibum  non  sapere  iis  quibus  nullum  est  palatum?  Quisquis  enim  ita  obstupuit,  ut  nulla  irae  Dei  revelatione  tactus  secure  dormiat,  nihil  in  agnoscendo  Christo  ab  iis  differt,  [pag.  18]  quibus  in  iudicando  sapore  ablatus  est  palati  sensus.  Tales  autem  nequaquam  solemus  morari,  ut  a  cibo  propterea  quispiam  nostrum  abhorreat,  quod  ab  illis  respuitur.4)  Sed  hoc  etiamnum  scandalum,  quod  similiter  ex  doctrina  emergit,  violentius  est  ac  magis  commune:  quia  quum  natura  placeamus  nobis,  nostraque  omnia  velimus  haberi  in  summo  pretio,  illic  1)  ceste  affetee  ne  faisoit  que  s'en  iouer  en  jbrocardant.  2)  Sic  bene  princeps.  Caeterae  omnes:  hoc  sciamus.  3)  apprehenderent  Bern  et  Amst.  4)  Or  si  nous  voyons  les  malades  refuser  la  viande,  ne  laissons  pas  pour  cela  de  manger.  2