7:18  corpore  et  sanguine  Christi  pascitur,  ut  anima  de  Deo  saginetur.  Et  Theodoritus  *)  verba  Ambrosii  refert  ad  Theodosium  imperatorem:  Quomodo  huiusmodi  manibus  sacrum  Domini  corpus  suscipies?  qua  audacia  poculum  pretiosi  sanguinis  ori  tuo  admovebis?  Hieronymus:2)  Sacerdotes  qui  eucharistiam  conficiunt,  et  sanguinem  Domini  populo  distribuunt.  Item  Chrysostomus:8)  Non  sicut  in  veteri  lege  partem  comedebat  sacerdos,  partem  vero  populus:  sed  ea  quae  sunt  eucharistiae,  communia  sunt  omnia  inter  sacerdotem  et  populum.  Omnibus  unum  corpus  proponitur,  et  calix  unus.  Sed  de  observatione  non  est  controversia:  quam  omnes  talem  fuisse  fatentur.  Quod  autem  sic  fieri  omnino  oportere  censuerint,  constat  ex  decreto  Gelasii,4)  qui  arceri  iubet  a  toto  sacramento,  qui  a  calice  abstinent,  quoniam  divisio  huius  mysterii,  inquit,  grandi  sacrilegio  non  careat.  Cyprianus5)  vero  fortiter  contendit,  nullo  modo  admittendum  esse  hoc  sacrilegium.  6)  ARTICULUS  VIII.  De  potestate7)  consecrandi.  Porro,  solis  sacerdotibus,  secundum  ecclesiae  ritum  ordinatis,  data  est  a  Christo  potestas  consecrandi  verum  Christi  corpus,  et  in  foro  poenitentiae  a  peccatis  absolvendi.  Probatur  sic:  Quia  haec  verba  per  episcopum  in  ordine  dando  proferuntur:  Damus  tibi  potestatem  consecrandi,  et  offerendi  Deo  placabiles  hostias.  Sed  quaeritur  de  quo  ecclesiae  ritu  magistri  nostri  intelligant:  quum  caeremoniae  quibus  utimur,  non  fuerint  factae  in  apostolis,8)  nec  in  eorum  coaequalibus.  Ad  hoc  respondeo,  quod  privilegium  fuit  illis  datum  per  specialem  dispensationem.9)  Si  quis  autem  replicet  de  successoribus,  qui  etiam  per  multos  annos  non  fuerunt  uncti,  nec  ordinati  nostro  more  aut  forma,  dico  quod  illud  totum  tempus  de-  1)  Libr.  3.  eccles,  hist.  c.  8.  2)  In  Sophon.  3)  In  2.  ad  Cor.  c.  9.  4)  Refertur  Can.  Comperimus  de  consecr,  dist.  2.  5)  Epist.  2.  de  lapsis.  6)  Et  S.  Cyprian  debat  par  vives  raisons  que  nullement  on  ne  doit  demer  a  un  Chrestien  le  sang  de  Iesus  Christ,  lequel  doit  espandre  son  propre  sang,  pour  signer  la  verite  d'iceluy.  7)  Gallasius  habet:  De  intentione,  quod  ad  sequentem  articulum  pertinet.  8)  In  versione  h.  I.  additur:  tellement  qu'ilz  n'ont  iamais  este  ordonnez  de  telle  facon  que  les  prestres  de  nostre  temps,  ne  pareillement  les  autres  disciples.  9)  Ibidem:  qui  ne  compete  point  a  tous  et  qu'on  ne  doit  tirer  en  consequence  pour  en  faire  loy  commune.  2