58:18  18  roit  transitoire  et  caduque:  et  le  principal  est  demeure  a  Isaac.  Or,  quoy  qu'il  en  soit,  si  est-ce  que  Dieu  s'est  monstre  fidele  et  veritable  en  la  promesse,  laquelle  appartenoit  a  ceste  vie  temporelle.  Si  Dieu  veut  que  sa  verite  et  sa  constance  soit  cognue  en  ces  choses  du  monde,  qui  s'escoulent,  et  qui  n'ont  qu'une  figure  qui  s'esvanouit,  comme  dit  saint  Paul:  que  sera-ce  quand  les..promesses  seront  de  beaucoup  plus  grande  importance:  comme  quand  il  nous  appelle  a  l'heritage  du  Royaume  des  cieux.  Pensonsnous  que  la  nous  puissions  estre  frustrez,  en  nous  appuiant  sur  lui?  Voila  donc  comme  il  nous  faut  faire  nostre  profit  de  ce  passage.  Si  Dieu  veut  estre  cogneu  ferme  et  fidele  en  son  propos  envers  ceux  qui  sont  comme  estrangers,  et  lesquels  il  a  exclus  et  reiettez  de  son  Eglise  :  que  fera-il  envers  nous  qui  sommes  ses  enfans,  lesquels  il  a  adoptez,  et  ausquels  il  s'est  voulu  monstrer  prochain?  Car  si  Dieu,  en  petites  choses,  comme  en  lignee,  et  en  tout  le  reste,  veut  que  sa  verite  soit  cognue:  que  sera-ce,  quand  en  la  personne  de  nostre  Seigneur  Iesus  Christ,  il  nous  propose  l'heritage  des  cieux:  et  nous  declare  qu'il  nous  veut  estre  propice,  et  qu'il  nous  veut  pardonner  nos  fautes,  afin  que  nous  soyons  reconciliez  j  a  lui:  et  que  par  ce  moien  nous  soions  freres  et  compagnons  des  Anges,  sous  un  mesme  chef,  assavoir  nostre  Seigneur,  Iesus  Christ?  La  Dieu  pourra-il  faillir  en  ses  promesses?  Seront-elles  frivoles,  et  sans  effect  et  execution?  Il  est  impossible.  Voila  donc  ce  que  nous  avons  a  retenir  en  premier  lieu.  Et  puis  quant  et  quant  nous  avons  a  noter  que  Dieu  se  veut  manifester  a  nous,  non  seullement  en  ses  benefices  qui  sont  les  plus  grans  et  les  plus  excellens  :  mais  aussi  iusques  a,  ceste  vie  :  et  qu'il  n'y  a  rien  si  petit,  ou  il  ne  vueille  qu'il  n'y  ait  quelques  marques  de  sa  bonte  paternelle  imprimee.  Et  d'autant  qu'il  dit  qu'il  aura  le  soin  de  nous  paistre,  que  nous  attendions  de  lui  tout  ce  qui  appartient  a  l'entretenement  de  ceste  vie  :  et  que  nous  ne  pensions  pas  que  cela  derogue  a  sa  maieste,  qu'il  vueille  que  nous  l'in-  2