56:18  gage  et  parole.  2.  Et  adveint  comme  ils  se  departirent  d'Orient,  qu'ils  trouverent  une  campagne  en  la  terre  de  Sennaar,  ou  ils  habiterent.  3.  Et  dirent  l'un  a  l'autre1),  Or  ca,  faisons  des  briques,  et  les  cnisons  au  feu:  si  eurent  des  briques  au  lieu  de  pierres,  et  eurent  de  l'argilie  au  lieu  de  ciment.  4.  Puis  dirent,  Or  avant,  edifions  nous  une  cite,  et  une  tour,  de  laquelle  le  sommet  soit  iusqu'au  ciel:  faisons  que  nous  ayons  renommee,  si  d'aventure  nous  sommes  dispersez  sur  toute  la  terre.  5.  Adonc  l'Eternel  descendit  pour  voir  la  cite  et  la  tour  qu'edifioyent  les  fils  des  hommes.  6.  Et  l'Eternel  dit,  Yoici,  ce  peuple  est  un,  et  y  a  un  mesme  langage  entr'eux  tous:  et  ce  est  leur  commencement  de  faire:  et  maintenant  rien  de  tout  ce  qu'ils  ont  entreprins  ne  sera  destourbe.  7.  Or  sus,  descendons  et  confondons  illec  leur  langage,  afin  qu'ils  n'entendent  le  langage  l'un  de  l'autre.  8.  Ainsi  l'Eternel  les  dispersa  de  la  parmi  toute  la  terre:  et  cesseront  d'edifier  la  cite.  9.  Partant  son  nom  fut  appele  Babel:  car  l'Eternel  confondit  illec  le  langage  de  toute  la  terre,  et  de  la  les  espandit  sur  la  terre  universelle.  10,  S'ensuyvent  les  generations  de  Sem.  Sem  aage  de  cent  ans  engendra  Arphacsad,  deux  ans  apres  le  deluge,  ll.  Et  Sem  apres  qu'il  eut  engendre  Arphacsad,  vesquit  cinq  cens  ans,  et  engendra  fils  et  filles.  12.  Item  Arphacsad  vesquit  trente  cinq  ans,  et  engendra  Sala.  13.  Et  Arphacsad  apres  qu'il  eut  engendre  Sala,  vesquit  quatre  cens  trois  ans,  et  engendra  fils  et  filles.  14.  Item,  Sala  vesquit  trente  ans,  et  engendra  Eber.  15.  Et  Sala  apres  qu'il  eut  engendre  Eber,  vesquit  quatre  cens  trois  ans,  et  engendra  fils  et  filles,  16.  Item  Eber  vesquit  trente  quatre  ans,  et  engendra  Phaleg.  17.  Et  Eber  apres  qu'il  eut  engendre  Phaleg,  vesquit  quatre  cent  trente  ans  et  engendra  fils  et  filles.  18.  Item,  Phaleg  vesquit  trente  ans,  et  engendra  Reu.  19.  Et  Phaleg  apres  qu'il  eut  engendre  Reu,  vesquit  deux  cens  neuf  ans  et  engendra  fils  et  filles.  20.  Item,  Reu  vesquit  trente  deux  ans,  et  engendra  Sarug.  21.  Et  Reu  apres  qu'il  eut  engendre  Sarug,  vesquit  deux  cens  sept  ans  et  engendra  fils  et  filles.  22.  Item,  Sarug  vesquit  trente  ans,  et  engendra  Nachor.  23.  Et  Sarug  apres  qu'il  eut  engendre  Nachor,  vesquit  deux  cens  ans,  et  engendra  fils  et  filles.  24.  Item,  Nachor  resquit  vingt  neuf  ans,  et  engendra  Thare.  25.  Et  Nachor  apres  qu'il  eut  engendre  Thare,  vesquit  cent  dixneuf  ans,  et  engendra  fils  et  filles.  26.  Item,  Thare  vesquit  septante  ans,  et  engeudra  Abram,  Nachor  et  Haran.  27.  Et  voici  les  genealogies  de  Thare.  Thare  engendra  Abram,  Nachor  et  Haran:  et  Haran  engendra  Lot.  28.  Et  Haran  mourut  avant  son  pere  l)  En  marge:  ou,  chacun  dit  a  son  prochain.  2