54:18  nous  prions  Dieu  qu'il  continue  a  l'augmenter,  iusques  a  ce  qu'il  l'ait  amene  a  sa  perfection.  Or  si  nous  avons  besoin  de  prier  ainsi  pour  ceux  que  Dieu  a  tant  avancez,  que  sera-ce  des  povres  gens  qui  ne  font  que  commencer,  qui  sont  encores  bien  debiles,  qui  ont  seulement  quelque  petit  goust  de  la  verite?  Ne  devons-nous  point  avoir  tant  plus  grande  solicitude  pour  eux?  Il  est  bien  certain.  Ainsi  doncques,  faisons  nostre  conte  que  iamais  il  n'y  a  eu  creature  mortelle  en  ce  monde  qui  n'eust  besoin  qu'on  la  recommandast  a  Dieu,  afin  que  ce  qu'il  avoit  commence,  il  le  parfeist.  Pourquoy?  Car  les  hommes  sont  tousiours  en  chemin,  cependant  qu'ils  vivent  sur  la  terre.  Et  cela  nous  doit  enseigner  a  humilite,  que  nul  ne  se  prise,  que  nul  ne  se  contente  de  son  estat,  pour  dire,  Ie  suis  venu  la  ou  il  faloit  que  ie  veinsse.  Mais  cheminons  tousiours,  et  prions  Dieu  qu'il  nous  avance,  scachans  bien  que  nous  n'avons  point  encores  apprehende,  comme  sainct  Paul  en  parle  aux  Philippiens  troisieme  chapitre,  verset  12.  Or  il  y  a  aussi  d'autre  coste,  que  sainct  Paul  nous  monstre  que  chacun  de  nous  ne  doit  point  seulement  rendre  graces  a  Dieu  pour  les  biens  qu'il  a  receus  de  luy,  mais  quand  il  aura  distribue  de  ses  dons  a  nos  freres,  que  la  ioye  en  doit  estre  commune  a  tous,  et  pareillement  l'action  de  graces.  Il  est  vray  que  selon  que  Dieu  s'est  monstre  liberal  envers  moy,  il  faut  bien  que  ie  me  sente  plus  oblige  envers  luy,  et  que  cela  m'incite  a  luy  rendre  graces  pour  magnifier  son  nom:  mais  si  est-ce  que  ie  ne  doy  point  me  tenir  enclos  ni  enserre  en  ce  regard  de  ma  personne,  il  faut  aussi  que  ie  contemple  la  bonte  de  Dieu  envers  toute  son  Eglise,  envers  chacun  de  ceux  qui  sont  du  troupeau.  Et  d'autant  que  ceste  variete  de  graces  qu'il  a  espandues  sur  les  siens  appartient  a  sa  gloire,  que  ie  soye  aise  quand  ie  verray  que  mes  freres  ont  de  quoy  pour  servir  a  Dieu,  et  qu'il  les  pousse,  et  les  conduit,  et  gouverne,  que  ie  voy  un  bon  accord  de  ceux  qui  tendent  a  bien.  Nous  voyons  doncques  qu'il  ne  faut  point  que  chacun  regarde  seulement  a  soy,  mais  qu'il  y  ait  communication  generale,  quand  Dieu  distribue  ainsi  les  dons  de