53:18  des  folies  nouvelles  pour  se  faire  valoir,  et  qui  ont  tasche  d'obscurcir  la  pure  simplicite  de  l'Evangile  tant  qu'ils  peuvent,  comme  en  desguisement  et  en  fard,  pour  la^  pervertir.  Si  nous  voyons  donc  auiourd'huy  le  semblable,  que  cela  ne  nous  soit  point  nouveau,  puis  que  de  tout  temps  Dieu  a  voulu  que  son  Eglise  fust  suiette  a  ce  mal-ci.  Au  reste,  cognoissons  que  Dieu  nous  aidera,  et  qu'il  ne  souffrira  point  que  iamais  nous  soyons  tirez  de  la  verite  pour  suyvre  les  mensonges,  moyennant  que  nous  cherchions  de  nous  tenir  en  son  obeissance,  que  nous  ne  soyons  point  volages,  pour  estre  transportez,  et  aussi  qu'il  n'y  ait  point  d'orgueil  en  nous.  Car  ce  sont  les  deux  causes  pourquoy  nous  en  voyons  beaucoup  qui  delaissent  la  pure  doctrine  de  salut  :  c'est  que  les  uns  sont  incitez  par  leur  orgueil  de  chercher  choses  nouvelles,  et  Dieu  veut  avoir  des  disciples  qui  soyent  humbles.  Voulons-nous  donc  profiter  en  son  escole?  Ayons  ceste  humilite  de  ne  presumer  point  de  scavoir  par  vtrop,  mais  seulement  d'estre  enseignez  de  luy  comme  bon  luy  semblera.  Et  puis  il  y  en  a  d'autres  d'une  legerete  si  grande  qu'ils  ne  se  contentent  point  d'avoir  entendu  ce  qui  est  contenu  en  l'Evangile,  et  pourtant  ils  voudroyent  tousiours  qu'on  remuast  mesnage:  et  leur  semble  qu'ils  ont  les  aureilles  trop  batues,  si  on  leur  reitere  ce  qui  est  propre  pour  les  edifier  a  bien,  comme  quand  on  preschera  de  la  vertu  de  nostre  Seigneur  Iesus  Christ  et  de  sa  grace,  il  leur  semble  que  cela  leur  est  desia  par  trop  cognu,  et  qu'ils  y  sont  tant  et  plus  accoustumez.  D'autant  donc  que  ceste  curiosite-ci  fretille  en  beaucoup  de  cerveaux,  Dieu  permet  qu'ils  se  repaissent  de  vent:  car  ils  ne  sont  pas  dignes  aussi  d'estre  nourris  de  la  bonne  pasture.  Et  pourtant  si  nous  voulons  que  Dieu  nous  retiene  en  la  purete  de  sa  parole,  soyons  humbles  et  modestes  en  premier  lieu,  et  puis  soyons  sobres,  et  n'appetons  point  par  vaine  curiosite  de  scavoir  plus  qu'il  ne  nous  est  licite,  et  aussi  qu'il  ne  nous  est  expedient.  Au  reste,  quand  S.  Paul  parle  yci,  d'autrement  enseigner  j  cela  se  rapporte  non  seulement  a  la  substance,  mais  aussi  a  la  forme  qu'on  appelle,  et  au  style.  Ceci  seroit  un  peu  obscur  s'il  n'estoit  declare  plus  a  plein.  Il  y  a  deux  choses  en  la  doctrine,  il  y  a  le  suiet  dont  on  parle,  ou  la  matiere:  comme  voila  un  argument  que  nous  prenons,  C'est  de  cognoistre  un  seul  Dieu  estre  nostre  Pere,  et  le  cognoistre  en  nostre  Seigneur  Iesus  Christ,  d'autant  que  e'est  la  qu'il  se  declare  a  nous  comme  en  son  image  vive.  voila  donc  un  suiet  pour  enseigner  les  fideles.  Il  y  aura  puis  apres  la  facon  de  deduire  les  choses.  Car  combien  que  la  substance  soit  le  principal,  toutesfois  ce  n'est  pas  encore  le  tout,  mais  il  faut  que  cela  se  monstre  avec  un  style  propre  pour  enseigner,  comme  quand  nou��  2