48:18  piat:  ut  Hebraei  animas  dicunt.  Dubitari  etiam  potest,  sintne  soliti  quotidie  frequentare  coenaculum  illud  in  quo  degebant  apostoli,  an  simul  perpetuo  habitarint.  Vix  enim  tantae  multitudinis  capax  fuisset  locus  ad  omnes  vitae  necessitates.  Et  certe  mihi  est  verisimilius  Lucam  hic  exprimere  numerum,  ut  sciamus  tunc  fuisse  congregatos  omnes,  quum  habuit  Petrus  concionem.  Unde  coniici  potest  non  semper  adfuisse.  Ego  quanquam  nihil  affirmare  audeo,  probabili  tamen  coniectura  adductus  potius  huc  inclino,  tunc  accitam  fuisse  totam  ecclesiam:  quia  de  re  seria  agendum  erat:  atque  huc  tendit  surgendi  verbum.  16.  Oportuit  impleri  scripturam.  Quia  Petrus  verba  facit,  papistae  eum  universae  ecclesiae  faciunt  caput.  Quasi  nemo  in  coetu  piorum  ioqui  possit,  quin  papa  extemplo  fiat.  Fatemur  sane,  ut  necesse  est,  unum  aliquem  in  quovis  coetu  primas  tenere:  ita  apostolos  detulisse  Petro  hunc  honorem.  Sed  quid  hoc  ad  papatum?  Quare,  illis  valere  iussis,  expendamus  quid  per  os  eius  spiritus  pronuntiet.  Praefatur  oportuisse  impleri  scripturam:  ne  quem  turbaret  horribilis  Iudae  casus.  Minime  enim  consentaneum  videbatur,  ut  qui  selectus  fuerat  a  Christo  ad  munus  tam  praeclarum,  initio  sui  cursus  ita  foede  corrueret*  Eiusmodi  scandalum  tollit  Petrus,  quum  scripturis  fuisse  praedictum  recitat.  Hinc  elicitur  admonitio  ad  quotidianam  praxin  valde  apposita,  hunc  scripturae  praedictionibus  dandum  esse  honorem,  ut  ad  sedandas  in  rebus  inopinatis  consternationes  valeant.  Nihil  enim  magis  nos  conturbat  quam  dum  subsidimus  in  proprio  sensu,  et  nobis  ipsi  creamus  offendicula,  quibus  mederi  paratus  esset  Deus,  si  hoc  nobis  fixum  esset,  nihil  esse  absurdum  quod  ille  praevidit,  statuit,  atque  etiam  praedixit  ut  nos  redderet  fortiores.  Neque  tamen  ideo  excusabilis  fuit  Iudas,  quia  praedictum  tuerat  quod  illi  accidit,  quando  non  prophetiae  impulsu,  sed  cordis  sui  malitia  descivit.  Est  autem  bimembris  Petri  oratio.  Priore  enim  loco  offensionem  diluit,  quam  ex  Iudae  ruina  piae  mentes  concipere  poterant.  Imo  inde  exhortationem  colligit,  ut  discant  reliqui  Deum  timere.  Deinde,  restare  admonet,  ut  alius  in  eius  locum  subrogetur.  Utrumque  probat  scripturae  testimonio.  Quam  praedixit  spiritus  sanctus/  Tales  loquendi  formulae  maiorem  scripturis  reverentiam  conciliant,  dum  admonemur  Davidem  omnesque  prophetas  sola  spiritus  directione  loquutos  esse,  ut  non  ipsi  prophetiarum  sint  autores,  sed  spiritus,  qui  eorum  lingua  tanquam  organo  usus  est.  Quum  igitur  ea  sit  nostra  socordia,  ut  scripturis  longe  minus  deferamus  quam  decebat,  diligenter  notandae  sunt  formulae  istae,  atque  ipsis  etiam  assuescendum,  ut  Dei  autoritas  ad  confirmandam  nostram  fidem  subinde  memoriae  nostrae  recurrat^  17.  Cooptatus.  Ad  verbum  est  adnumeratus.  Dicit  autem  unum  ex  numero  fuisse,  ut  innuat  2