45:18  que  prudentiam  mundus,  sed  perversam  ideoque  mortiferam,  imo  quae  vanitatis  damnatur:  quanquam  obliquae  angelus  umbratilem  sapientiam,  qua  sibi  placent  filii  saeculi,  pravam  et  coram  Deo  maledictam  significat.  Iam  tenemus,  sic  inter  se  conciliandos  esse  homines,  ut  imprimis  redeant  cum  Deo  in  concordiam.  Quod  mox  sequitur  de  paranda  Domino  plebe  perfecta  cum  illo  membro  cohaeret,  Ioannem  Christi  praeconem  futurum,  ut  ante  faciem  eius  ambulet:  finis  enim  praedicationis  eius  erat,  plebem  reddere  intentam  audiendae  Christi  doctrinae.  Quanquam  participium  xaxeaxeuaafievov  non  tam  perfectionem  sonat  Graecis,  quam  formam  et  concinnitatem,  qua  res  ^d  usum  suum  aptantur.  Quae  significatio  praesenti  loco  non  male  quadrabit  :  quod  scilicet  mittendus  sit  Ioannes  ad  plebem  Christo  aptandam  vel  formandam,  quae  alias  rudis  et  itnpolita  nunquam  se  docilem  praebuisset.  LUO.  I.  18.  Et  dixit  Zacharias  ad  angelum:  Unde  hoc  cognoscam?  ego  enim  sum  senex,  ut  uxor  mea  provectae  est  aetatis.  19.  Ut  respondens  angelus  dixit  ei:  Ego  sum  Gabriel,  qui  adsto  coram  Deo,  missusque  sum  ut  loquar  ad  te,  et  haec  tibi  evangelizem.  20.  Et  ecce  eris  tacitus,  ut  loqui  non  possis  usque  ad  diem  quo  haec  fient:  eo  quod  non  credidisti  verbis  meis,  quae  implebuntur  tempore  suo.  18.  Et  dixit  Zacharias  ad  angelum.  Sequitur  Zachariae  dubitatio  et  poena,  quam  de  eius  infidelitate  sumpsit  Dominus.  Precatus  fuerat  pro  impetranda  sobole:  nunc  ubi  promittitur,  quasi  votorum  suorum  et  fidei  oblitus,  diffidit.  Quanquam  prima  specie  videri  durum  posset,  quod  eius  responso  tam  graviter  offenditur  Deus.  Obiicit  senium  suum:  idem  fecit  Abraham,  cuius  tantopere  laudatur  fides,  ut  Paulus  dicat  (Retn.  4,  19),  non  respexisse  corpus  suum  emortuum,  nec  effoetam  vulvam  Sarae,  sed  simpliciter  acquievisse  in  Dei  veritate  et  potentia.  Rogat  Zacharias,  unde  vel  quo  argumento  certior  fieri  poterit.  Atqui  non  reprehensus  est  Gideon  (Iud.  6,17),  quum  duplex  sigtmm  flagitaret.  Quin  etiam  similis  paulo  post  Mariae  exceptio  refertur:  Quomodo  fiet  istud,  quando  virum  non  cognosco?  quam  tamen  angelus  dissimulat,  ac  si  nihil  esset  in  ea  vitii.  Qui  fit  ergo,  ut  Zachariam  quasi  gravissimi  peccati  reum  tam  severe  castiget  Deus?  Fateor  equidem,  si  verba  tantum  spectentur,  vel  parem  fuisse  in  omnibus  culpam,  vel  Zachariam  nihil  peccasse.  Sed  quum  facta  et  dicta  hominum  ex  cordis  affectu  aestimare  conveniat,  Dei  potius  iudicio  standum  est,  cui  patent  occultae  cordis  latebrae.  Vidit  procul  dubio  Dominus  in  Zacharia  aliquid  deterius  qiiatn  verba  2