44:18  sent  esse  eorum  amici  et  foederati.  Iam  sequitur  quod  etiam  heri  recitavi,  Visitabo  super  omnem  qui  tripudium  agit  super  limen.  Quidam  hoc  exponunt  de  cultoribus  Baal,  sed  frigide:  imo  quemadmodum  nuper  dixi,  contextus  non  patitur  aliter  intelligere  quam  de  ministris  principum,  qui  vexabant  crudeliter  plebem,  et  spoliabant  miseros  homines  suis  fortunis,  qui  pares  non  erant  ad  resistendum.  Postquam  ergo  loquutus  est  propheta  de  primariis  regni  ducibus,  et  de  filiis  regum,  descendit  ad  eorum  ministros,  qui  erant  quasi  venatici  canes  ad  rapiendam  undique  praedam.  Qui  intelligunt  de  sacrificiis  Baal,  adducunt  locum  ex  sacra  historia,  quod  quum  imago  Dagon  reperta  esset  in  foribus  templi,  non  ausi  fuerint  calcare  limen  illud,  sed  saltaverint:  atqui  illud  est  nimis  remotum.  Alii  etiam  afferunt  diversas  expositiones:  ego  vero  non  dubito  quin  propheta  hic  significet  praedandi  licentiam,  quum  dicit  eos  saltare  super  limen,  tanquam  victores  scilicet.  Nam  postea  adiungit  eos  replere  rapina  et  fraude  domos  principum.  Ergo  saltare  super  limen  nihil  aliud  est  quam  occupare  alienas  domos,  et  illic  petulanter  insultare,  quemadmodum  victores  solent.  Nam  qui  potitur  alieno,  non  illic  tantum  veluti  in  sua  possessione  quiescit,  sed  sese  effundit  atque  iactat.  Sic  etiam  hic  ad  vivum  depingit  propheta  proterviam  illam,  quam  exercebant  principum  ministri,  quum  domos  alienas  invaderent.  Dicit  ergo  eos  tripudium  agere,  Haec  mea  est  domus:  et  quis  audebit  contra  verbum  facere?  Quum  ergo  tantum  sibi  licentiae  sumerent  ministri  principum,  hic  denuntiat  propheta  vindictam  Dei.  Postea  adiungit  replere  aedes  dominorum  violentia  et  fraude.  Per  violentiam  et  fraudem  intelligit  praedas  collectas  partim  ex  vi  armata,  partim  etiam  ex  captionibus  et  dolis.  Sicuti  aulici  habent  suas  plagas  quibus  insidiantur  miseris  hominibus.  Quod  si  fraudibus  consequi  nequeant  quae  speraverant,  prosiliunt  ad  vim  armatam  :  quidquid  sit,  ditescunt  tamen  partim  ex  rapinis,  partim  ex  fraudibus.  Ideoque  utramque  speciem  hic  posuit  propheta.  Sequitur:  10.  Et  erit  in  die  illa,  dicit  Iehova,  vox  cla"  moris  a  porta  piscium,  et  ululatus  a  secunda  (ad  verbum:  sed  multi  intelligunt  scholam)  et  contritio  magna  a  collibus:  Hic  confirmat  eandem  sententiam,  et  amplificat  etiam  atque  illustrat  figuris.  Scimus  enim  quantum  valeant  hypotyposes  ad  tangendos  animos,  ubi  non  tantum  narratur  res  ipsa,  sed  quasi  subiicitur  oculis.  Sic  propheta  non  contentus  simplicibus  verbis,  quasi  theatrum  erigit,  ut  clarius  appareat  futura  clades  Ierosolymae.  Sed  quoniam  de  hac  ratione  loquendi  alibi  tractavimus,  ego  nunc  leviter  praetereo.  Dicit  ergo  fore  vocem  clamoris  a  porta  2