37:18  sacrificiis  Deum  promereri.  Quod  quidem  verum  est:  sed  spectandum  est  consilium  prophetae,  sicuti  iam  dictum  est,  ut  ad  maiorem  fiduciam  Iudaeos  animet,  omnia  nihili  prae  Deo  esse  ostendit.  17.  (Omnes  gentes.)  Repetit  quod  dixerat,  in  manu  et  arbitrio  Dei  esse  simul  ac  visum  fuerit  abolere  cunctas  gentes  :  imo  dum  permanent  in  suo  statu,  coram  eo  censeri  quasi  nihilum.  Sed  absurdum  videtur  quod  gentes  nihil  esse  dicit:  quoniam  creatae  sunt  a  Deo,  ut  aliquid  essent.  Respondeo,  hoc  dici  per  comparationem:  quando  ea  est  pravitas  humani  ingenii,  ut  obscuret  Dei  maiestatem,  atque  ea  extollat  quae  Deo  cedere  debuerant.  Quum  ergo  ad  certamen  illud  ventum  est,  secure  pronuntiare  possumus,  nihili  esse  quidquid  cum  Deo  comparatur.  Nec  loquitur  simpliciter  Isaias  de  hominum  natura,  qualis  a  Deo  condita  est:  sed  eorum  superbiam  deiicere  ac  comprimere  vult  quum  adversus  Deum  sese  efferre  audent.  Scimus  enim  nos  non  posse  nisi  in  Deo  consistere,  in  quo  solo  vivimus  (ut  ait  ille  [Act.  17,  28])  movemur  et  sumus.  Homine  nihil  vanius,  ac  si  cum  vanitate  (ut  inquit  David  [Psalm.  62,  10])  appendatur,  ea  etiam  vanior  futurus  est.  Eodem  modo  Isaias  gentes  non  tantum  nihil,  sed  minus  quam  nihil  esse  praedicat,  quo  magis  earum  imbecillitatem  et  vanitatem  demonstret.  18.  (Cui  igitur  similem  fecistis  Deum?)  Iudaeis  ab  alia  quoque  tentatione  non  leve  periculum  erat:  quia  credibile  erat  Assyrios  et  Chaldaeos  non  absque  eorum  ope  tot  victoriis  potitos  esse.  Hinc  colligere  promptum  erat,  quid  nobis  prodest  peculiari  Dei  cultu  differre  ab  omnibus  populis,  quum  propitio  et  favente  coelo  militent  hostes  nostri,  nihil  auxilii  nobis  a  Deo  quem  colimus  affulgeat?  Nec  vero  dubium  est  quin  exsulibus  insultaverint  increduli,  sicuti  patet  ex  aliis  locis.  Ne  ergo  ob  cladem  acceptam  concideret  inter  Iudaeos  vera  religio,  exsurgit  Deus,  sibique  gravem  iniuriam  fieri  proclamat,  si  rebus  adversis  fracti  fideles  ad  idola  et  gentium  superstitiones  declinent.  Ita  eos  confirmat  in  promissionum  fide,  ne  poenarum  quas  sustinent  insultu  labascant.  Nec  vero  alloquitur,  ut  prius  monuimus,  homines  tantum  suae  aetatis,  sed  posteros:  quibus  durius  futurum  erat  certamen  cum  gentium  ludibriis,  quarum  futuri  erant  captivi,  deinde  etiam  cum  malis  exemplis  et  consuetudine.  Nam  quum  profanis  gentibus  permixti  quotidie  cernerent  multas  pietatis  corruptelas,  difficilius  fuit  constanter  perstare.  Ergo  ne  quid  stultae  opinionis  conciperent,  quod  falsorum  deorum  cultoribus  prospere  cederent  omnia,  huic  vitio  propheta  occurrit,  et  admonet  Deum  quem  ipsi  et  patres  eorum  coluerunt,  non  esse  cum  diis  gentium  comparandum.  Hi  enim  ab  hominibus  creati,  auro  aut  argento,  ligno  aut  lapide  constabant,  Deus  autem  2