35:18  enfans.  Ce  sont  comme  ieunes  poussins  esclous  de  trois  iours,  et  si  est-ce  qu'ils  veulent  estre  grans.  Et  bien,  on  devroit  encores  les  tenir  sous  la  verge  dix  ans:  mais  les  voila  hommes  formez,  ce  leur  semble.  Et  en  quoy?  En  audace:  il  y  a  une  impudence  de  putain,  ils  ne  veulent  plus  estre  suiets  a  nulle  discipline  ne  correction  :  on  voit  cela.  Or  ceux  a  qui  Dieu  a  fait  quelque  grace,  doivent  bien  penser  a  eux,  quand  un  vice  est  si  commun,  et  que  c'est  comme  une  maladie  contagieuse,  et  prendre  garde  de  n'y  estre  point  enveloppez:  car  il  faudroit  qu'ils  en  fussent  transportez  comme  les  autres,  si  Dieu  ne  leur  tenoit  la  main  forte.  Ainsi  donc  que  les  enfans  de  Dieu  soyent  sur  leurs  gardes,  et  qu'ils  sachent  quand  ils  seront  modestes,  que  ce  sera  beaucoup,  encores  qu'il  n'y  ait  point  de  si  belle  monstre:  et  combien  que  ceux  qui  se  veulent  avancer  les  mesprisent  pour  cela,  d'autant  qu'ils  ne  vont  point  le  front  leve,  qu'ils  sachent  qu'ils  sont  beaucoup  plus  approuvez  de  Dieu,  et  qu'il  benira  ceste  honestete  qui  est  en  eux,  et  fera  qu'ils  profiteront  plus  en  deux  ans,  que  ceux  qui  seront  par  trop  hastifs  en  quatre.  Nous  voyons  ce  qui  advient  aux  fruicts:  quand  un  fruict  sera  bien  tost  meur,  et  qu'il  aura  tantost  cueilli  sa  couleur,  il  passe  aussi  incontinent:  mais  un  fruict  qui  sera  plus  tardif,  est  de  longue  duree.  Ainsi  en  est-ii  de  ceux  qui  se  veulent  avancer  outre  le  temps:  il  est  vray  qu'ils  auront  belle  monstre,  et  y  prendra-on  quelque  goust:  mais  cela  n'a  point  de  fermete  en  soy.  Au  contraire  ceux  qui  auront  quelque  vergongne  et  honestete,  qui  n'auront  nulle  presomption  pour  s'avancer  hastivement,  il  est  vray  que  ceux-la  seront  tardifs:  mais  cependant  nostre  Seigneur  leur  donne  vertu  qui  dure  plus  long  temps.  Voila  donc  un  bon  poinct  a  retenir  de  ce  passage.  Il  est  vray  que  la  modestie  est  une  vertu  convenable  a  tous:  mais  tant  y  a  que  les  ieunes  gens  doivent  observer  ce  qui  est  icy  dit,  qu'ils  portent  honneur  aux  anciens,  cognoissans  que  de  leur  coste  ils  pourroyent  avoir  des  bouillons  trop  excessifs,  et  qu'il  est  besoin  que  d'autres  les  retienent:  car  ils  ne  sont  point  assez  posez  de  leur  nature,  et  puis  ils  n'ont  point  l'usage  pour  estre  prudens  comme  il  seroit  requis.  Or  au  reste  quand  un  ieune  homme  s'est  porte  ainsi  modestement,  si  faut-il  qu'en  temps  opportun  il  desploye  ce  qui  lui  est  donne  de  Dieu:  voire  et  fust-ce  entre  les  vieilles  gens:  car  l'ordre  de  nature  n'empesche  pas  quand  les  anciens  ne  s'acquitteront  point  de  leur  devoir,  que  les  ieunes  ne  suppleent  en  cest  endroit-la  :  et  mesmes  iusques  a  faire  honte  a  ceux  qui  ont  long  temps  vescu,  et  lesquels  auront  mal  employe  le  temps  que  Dieu  leur  avoit  donne,  et  l'aurons  du  tout  perdu.  Voila  donc  le  moyen  que  nous  avons  a  tenir:  c'est  que  la  reverence  2