34:18  nous  soit  contraire,  et  que  nous  n'ayons  nulle  confiance  en  sa  bonte,  il  est  impossible  que  nous  approchions  de  lui:  nous  le  fuirons,  et  quand  nous  en  serons  eslongnez  une  fois,  encores  tascheronsnous  de  nous  en  retirer  d'autant  plus.  Il  faut  donc  que  nous  prenions  courage  en  nos  adversitez,  afin  que  nous  invoquions  Dieu,  et  que  nous  ne  craignions  point  de  retourner  a  lui,  nous  confians  qu'il  sera  prest  de  nous  faire  merci,  si  nous  le  cerchons  de  bonne  affection,  droite  et  pure.  Yoila  donc  a  quoy  tend  le  propos  que  i'ay  touche,  qu'il  ne  faut  point  que  nous  soyons  trop  delicats  en  nos  afflictions,  mais  plustost  que  nous  les  sentions  de  bonne  heure  pour  retourner  a  Dieu.  Et  aussi  quand  Dieu  nous  ayant  envoye  quelque  adversite  nous  redouble  ra,  et  que  dedans  et  dehors  nous  serons  pressez  tant  et  plus  :  cognoissons  qu'encores  ne  sommes-nous  point  venus  la  ou  en  estoit  Iob:  et  que  s'il  a  persiste  d'invoquer  Dieu,  et  d'avoir  tousiours  son  refuge  a  lui,  il  ne  faut  point  que  nous  soyons  destournez  de  lui.  Voila  ce  que  nous  avons  a  noter  de  ce  passage.  Or  quand  il  est  ici  parle  des  archiers  de  Dieu,  c'est  une  similitude  bien  notable.  Car  nous  voyons  tousiours  comme  les  hommes  sont  troublez,  quand  il  est  question  des  afflictions  de  la  vie  presente.  Car  nous  ne  pouvons  pas  rapporter  cela  a  Dieu  comme  nous  devrions,  et  nous  imaginons  tousiours  que  c'est  de  cas  d'aventure,  ou  que  ce  sont  les  hommes:  bref,  nous  iugeons  en  confus,  et  ne  pouvons  pas  nous  adresser  a  Dieu.  Pour  ceste  cause  l'Escriture  saincte,  outre  ce  qu'elle  nous  declare  que  et  la  vie,  et  la  mort,  et  la  clarte,  et  les  tenebres,  et  le  bien  et  le  mai  sont  en  la  main  de  Dieu,  use  aussi  des  comparaisons  familieres,  afin  que  cela  nous  soit  tant  mieux  imprime:  comme  il  est  ici  dit,  que  Dieu  a  arrenge  ses  archiers  a  l'encontre  de  Iob.  Parle-il  ici  des  hommes?  Nenni.  Mais  il  est  parle  de  tous  les  maux  que  Iob  avoit  a  endurer.  Ces  maux-la  sont  nommez  les  archiers  de  Dieu.  Et  pourquoy?  Afin  que  nous  apprenions  quand  Dieu  nous  afflige,  qu'il  vient  en  equippage,  comme  si  un  Iuge  avoit  ses  officiers,  et  qu'il  eust  main  forte,  pour  venir  prendre  un  mal-faicteur.  Yoila  donc  comme  Dieu  use  de  toutes  adversitez  que  nous  sentons  en  la  vie  presente.  Ne  iugeons  point  donc  estre  fortune,  quand  l'un  endurera  en  maladie,  que  l'autre  aura  quelque  povrete:  bref,  comme  les  miseres  de  ce  monde  sont  infinies,  que  nous  sachions  que  Dieu  a  des  moyens  infinis  pour  nous  corriger  quand  ii  voudra,  comme  il  lui  semblera  bon.  Et  c'est  ce  que  Moyse  entend,  quand  il  dit  (Deut.  32,  34)  Que  toutes  ces  choses  sont  serrees  aux  coffres  de  Dieu.  Apres  qu'il  a  parle  de  tous  les  maux  qui  peuvent  advenir  aux  hommes,  il  adiouste,  Et  ceci  n'est-il  point  en  mes  coffres?  Comme  s'il  disoit,  I'ay  mes  2