32:18  statem  venitur,  qualis  est  in  coelo.  Neque  tanlen  repugno  quin  hic-  quoque  sensus  elici  possit  ex  verbis:  Quamvis  mundus  hic  variis  modis  concutiatur  in  speciem,  non  tamen  minui  Dei  potentiam,  quia  terribili  suo  imperio  perturbationes  omnes  facile  compescit.  5.  (Testimonia  tua.)  Hactenus  retulit  propheta  quam  admirabilis  sit  Deus  quum  in  mundi  creatione,  tum  etiam  in  gubernatione  generis  humani.  Nunc  peculiare  beneficium  commemorat  quo  populum  electum  dignatus  est,  patefacta  salutis  doctrina.  Ac  primo  quidem  legem  Dei  a  certa  fide  et  veritate  commendat:  sed  quia  thesaurus  hic  cunctis  populis  promiscue  expositus  non  erat,  continuo  post  adiungit  domum  Dei  ornatam  esse  splendore  in  perpetuum.  Quamvis  ergo  se  Dei  bonitas  ad  totum  mundum  extendat,  hoc  inaestimabile  Dei  beneficium  merito  celebrat  propheta,  quod  foedus  aeternae  vitae  in  ecclesia  sua  deposuerit,  ut  illic  coelestis  sua  gloria  plenius  fulgeret.  Quidam  H1X2  Pr  o  desiderabili  accipiunt:  ac  si  dixisset  propheta,  Templi  decus  esse  pretiosum  :  sed  ratio  grammaticae  aliud  postulat.  Longitudine  dierum  notatur  perpetua  successio,  de  qua  etiam  praeclare  Iesa.  59,  21:  Ecce  posui  verbum  meum  in  ore  tuo,  in  ore  seminis  tui,  et  seminis  quod  deinde  sequetur:  ut  fideli  custodia  per  multas  aetates  coelestis  doctrina  vigeat.  PSALMUS  XCIV.  ARGL  Implorat  auxilium  Dei  contra  improbos  et  violentos  qui  tyrannice  et  crudeliter  sanctos  opprimebant.  Nec  dubium  quin  de  oppressoribus  domesticis  loquatur:  quorum  iniqua  dominatio  non  minus  sanctis  molesta  et  infesta  erat,  quam  omnes  gentinm  iniuriae.  1.  Deus  ultionum  Iehova,  Deus  ultionum  affulge:  2.  Eleva  te  iudex  terrae,  redde  mercedem  superbis.  3.  Usquequo  impii  Iehova,  usquequo  impii  exsultabunt?  4.  Effutiunt,  loquuntur  duriter,  extollunt  se  omnes  operarii  iniquitatis:  5.  Populum  tuum  Iehova  conterunt,  et  haereditatem  tuam  affligunt:  6.  Viduam  et  peregrinum  interficiunt,  et  pupillos  occidunt  1.  (Deus  ultionum.)  Certum  est  Iudaeos  malis  vicinis  cinctos  fuisse,  adeoque  totidem  fuisse  acerrimos  hostes  qui  eos  vexare  et  fatigare  non  cessabant*  Sed  quum  impiis  pro  libidine  dominantibus,  interior  afflictio  durius  eos  urgeret,  merito  Deum  inclamat  propheta,  ut  tam  exitiali  malo  remedium  afferat.  Loquutio  satis  trita  est,  Deum  apparere  conspicuum  et  in  sublime  efferri  dum  manifesto  effectu  se  vindicem  demonstrat:  quia  tunc  videtur  tribunal  conscendere  ut  poenas  exigat  de  sceleribus,  et  virtutem  suam  exserere  mundo  in  ordinem  cogendo.  Atque  2