31:18  appuis  de  nostre  salut,  comme  ainsi  soit  qu'on  ne  peut  prendre  meilleure  ne  plus  certaine  regle  d'icelle  ailleurs  qu'en  ce  livre,  selon  qu'un  homme  aura  bien  proufito  en  la  cognoissance  d'iceluy,  il  a  aussi  comprins  la  plus  grand'  part  de  la  doctrine  celeste.  La  vraye  priere  et  vive  procede  premierement  d'un  sentiment  de  nostre  necessite,  puis  apres  d'une  asseurance  certaine  de  la  promesse.  Or  est-il  ainsi  qu'en  ce  livre  les  hommes  seront  fort  bien  resveillez  a  sentir  leurs  maux,  et  quant  et  quant  advertis  de  chercher  les  remedes.  En  somme  tout  ce  qui  peut  servir  a  nous  accourager  quand  il  est  question  de  prier  Dieu,  nous  est  enseigne  en  ce  livre.  Et  non  seulement  on  y  voit  les  promesses,  mais  souventesfois  entre  le  conviement  de  Dieu  et  les  empeschemens  de  la  chair,  nous  est  proposee  la  personne  qui  se  prepare  et  efforce  a  prier,  afin  que  si  quelques  fois  nous  nous  trouvons  agitez  de  diverses  doutes,  nous  apprenions  de  resister  et  combatre,  iusqu'a  ce  que  l'esprit  estant  libre  et  desveloppe  de  tous  ces  empeschemens,  s'esleve  a  Dieu.  Et  non  seulement  cela,  mais  aussi  qu'au  milieu  des  esbraniemens,  craintes  et  tremblemens,  nous-nqus  efforcions  toutesfois  a  prier,  iusqu'a,  ce  que  nous  sentions  quelque  allegement  qui  nous  appaise  et  contente.  Car  ia  soit  que  desfiance  ferme  la  porte  a  nos  prieres,  scachons  toutesfois  qu'il  n'est  pas  question  de  nous  laisser  surmonter  et  abbatre  toutes  fois  et  quantes  que  nos  coeurs  sont  vacillans  ou  agitez  d'inquietude,  mais  faut  nous  esvertuer  iusqu'a  ce  que  la  foy  viene  finalement  a  sortir  hors  de  ces  combats  victorieuse.  Et  de  faict,  en  plusieurs  endroits  on  peut  appercevoir  les  serviteurs  de  Dieu  tellement  flottans  en  faisant  leurs  prieres,  que  de  deux  coups  l'un  estans  quasi  accablez  ils  emportent  toutesfois  le  pris  en  s'efforcant  a  bon  escient.  La  d'un  coste  se  monstre  l'infirmite  de  la  chair,  de  l'autre  aussi  se  desploye  la  vertu  de  la  foy,  si  non  tant  vaillante  et  courageuse  qu'il  seroit  a  desirer,  pour  le  moins  preste  a  combatre  iusques  a  ce  que  petit  a  petit  elle  viene  a  avoir  une  force  accomplie.  Toutesfois  pource  qu'on  trouvera  en  tout  le  livre  par  ci  par  la  les  choses  propres  pour  enseigner  la  vraye  maniere  de  bien  prier,  ie  ne  m'amuseray  point  maintenant  a  traitter  les  choses  qu'il  faudra  puis  apres  repeter,  de  peur  d'arrester  les  lecteurs,  et  les  retarder  qu'ils  ne  passent  outre.  Seulement  i'ay  pense  qu'il  estoit  besoin  de  monstrer  en  passant  que  ce  livre  nous  apporte  un  bien  qui  est  souhaittable  sur  tous  autres,  c'est  que  non  seulement  nous  avons  acces  familier  a  Dieu,  mais  aussi  qu'il  nous  est  permis  et  libre  de  desployer  devant  Dieu  nos  infirmitez,  lesquelles  nous  avons  honte  de  declarer  devant  les  hommes.  Au  reste,  pour  offrir  deuement  a  Dieu  le  sacrifice  de  louange,  lequel  (comme  il  declare)  luy  est  fort  agreable  et  de  tres-bonne  odeur,  2