30:18  tum  promovere,  ut  nostris  affectibus  locum  non  demus,  neque  impatientia  et  intemperantia  aestuemus:  sed  quod  Deus  proponit  sequamur,  et  quod  tam  saepe  scriptura  monet  et  repetit  usurpemus,  nimirum:  Exspectate,  sustinete,  patienter  tolerate.  Ac  sane  si  innati  huius  vitii  in  nobis,  festinationis,  inquam,  et  praecipitantiae  vim  et  efficaciam  attendamus,  hanc  doctrinam  non  modo  non  superfluam  esse,  sed  maxime  necessariam  comperiemus:  hodierno  praesertim  tempore,  quo  summa  rerum  confusio  passim  fideles  obruit,  quos  tamen  hanc  retinere  modestiam  et  prudentiam  oportet,  ut  ne  digitum  quidem  sine  Dei  nutu  et  voluntate  moveant.  Nam  exemplo  Saulis  discimus,  quid  sit  ultra  positos  terminos  egredi.  Multi  profecto  si  quid  otii  et  tranquillitatis  a  Deo  obtinent,  triumphare  sibi  videntur,  et  quaecunque  ratio  dictaverit  temere  suscipiunt,  ut  sese  ubique  stultitia  ipsorum  prodat,  cum  ambitione  coniuncta.  Atqui  Deus  illis  maxime  triumphantibus  ostendit  irritos  ipsorum  esse  conatus,  et  potius  retro  ferri  cancrorum  instar,  quam  promoveri,  et  in  contrarium  omnia  ipsis  cedere.  Eo  itaque  diligentius  haec  doctrina  est  animis  nostris  insculpenda,  ut  nihil  nisi  quod  Deus  verbo  suo  praescripserit  aggrediamur,  futuro  alioquin  irrito  et  inani  conatu,  et  summa  confusione  exitum  eorum  quae  temere  ex  nostro  sensu  susceperimus  comitatura.  Transeamus  ad  sequentia,  in  quibus  dicitur  Saul  sacrificasse,  et  antequam  absolveret  Samuelem  advenisse,  eique  Saulem  occurrisse,  ad  ei  bene  dicendum.  Ex  quibus  apparet  quanto  honore  Dei  prophetam  Saul  prosequeretur:  etsi  enim  rex  esset  iam  confirmatus  in  universum  populum,  tamen  honore  prosequi  studet  eum  quem  Deus  praefecerat  ipsi,  et  ducem  ac  ductorem  eidem  commiserat.  Porro  vox  illa  Benedicendi  idem  significat  ac  salutare  et  bene  preeari,  ut  solemus  diem  faustum  precari,  aut  bonam  valetudinem,  quoniam  obviam  facti  alii  aliis  debemus  Deum  pro  salute  ipsorum  precari.  Variae  quidem  sunt  istiusmodi  salutationes,  quarum  tamen  omnium  hic  scopus  est,  ut  Dei  nomen  super  eos  invocemus  quibus  bene  esse  volumus,  cuiusmodi  preces  usitatae  apud  nos,  faustum  tibi  diem  precor,  Deus  tibi  benedicat,  I)eus  tibi  valetudinem  concedat,  et  similes,  quibus  nos  ab  unico  Deo  felicitatem  exspectare  demonstramus.  Verum  hic  saepissime  a  multis  peccatur,  qui  urbanitate  et  civilitate  quadam  ac  more  potius  quam  precandi  studio  temere  Dei  nomen  assumunt,  parum  cogitantes  quid  precibus  illis  a  Deo  postulent.  Quin  etiam  saepe  in  sermone  a  multis  peccatur,  qui  alteri  iubent  dari  suo  nomine  faustum  diem,  quasi  sit  in  hominum  potestate,  faustum  alicui  diem  dare.  Mera  sane  illa  est  ineptia,  immo  nimium  impudens  arrogantia.  Verum  istud  est  animis  nostris  infi-  2