29:18  a  leur  escient,  et  qu'ils  le  desfient  voir  s'il  leur  pourra  faire  pis.  Quand  donc  les  hommes  sont  endurcis  iusques  la  et  obstinez,  il  faut  bien  que  Dieu  leur  face  sentir  qu'il  ne  veut  point  qu'on  se  mocque  ainsi  de  sa  douceur,  et  qu'on  la  tourne  a  une  fin  toute  contraire  de  son  intention.  Et  au  reste,  selon  que  Dieu  a  desploye  ses  graces  envers  nous,  il  faut  qu'elles  nous  soyent  tant  plus  cher  vendues,  si  nous  en  abusons.  Or  il  appelle  l'Eglise  sa  maison,  il  nous  tient  et  advoue  pour  ses  enfans  :  si  donc  il  est  deshonore  entre  nous,  cela  ne  luy  doit-il  pas  estre  plus  grief  (comme  i'ay  declare),  que  si  ceux  qui  ne  luy  appartiennent  de  rien  au  prix  l'avoyent  mille  fois  offense?  Cognoissons  donc  que  c'est  a  bon  droict  que  Dieu  s'est  monstre  si  severe  contre  les  enfans  d'Israel:  et  appliquons  ceste  doctrine  a  nous,  d'autant  que  nous  sommes  succedez  en  leur  place.  Nous  avons  desia  veu  par  ci  devant  que  Dieu  les  avoit  retranchez,  et  nous  avons  este  comme  entez,  afin  que  nous  soyons  participans  de  l'adoption  qui  leur  appartenoit.  Or  si  Dieu  ne  leur  a  point  pardonne,  que  fera-il  de  nous?  Car  nous  ne  vallons  pas  mieux,  nostre  condition  n'est  pas  plus  excellente.  Advisons  donc  de  cheminer  en  solicitude,  et  de  faire  profiter  les  graces  que  nous  avons  receues,  en  telle  sorte  que  Dieu  en  soit  glorifie,  et  que  nostre  salut  soit  avance  de  plus  en  plus,  et  conferme  par  tel  moyen.  Voila  donc  ce  que  nous  avons  en  somme  a  retenir  de  ce  passage.  Or  quand  il  est  dit  que  Dieu  amassera  des  maux  sur  eux,  et  qu'il  y  employera  toutes  ses  flesches:  notons  que  ici  Moyse  a  voulu  specifier,  que  Dieu  n'a  point  une  seule  facon  de  chastier  les  hommes  :  mais  quand  ils  cuident  estre  eschappez,  que  c'est  a  recommencer.  Et  ceci  encores  est  bien  notable:  car  nous  voyons  quelle  est  la  nonchalance  de  ceux  qui  ont  failli.  Il  est  vray  que  s'ils  appercoyvent  quelque  signe  de  Tire  de  Dieu,  ils  seront  estonnez  du  premier  coup:  mais  s'il  n'y  a  que  les  menaces,  ils  secouent  les  aureilles  et  s'en  mocquent.  Or  Dieu  leur  a-il  envoye  quelque  frayeur?  si  cela  passe,  il  leur  semble  qu'ils  sont  quittes:  comme  quand  il  y  aura  quelque  bruit  de  guerre,  ceux  qui  ont  mal  vescu,  et  qui  ont  mene  une  vie  meschante  et  dissolue  commenceront  a  trembler:  mais  cela  est-il  cesse?  ce  leur  est  tout  un.  Autant  en  est-il  de  la  famine  et  de  tout  le  reste  en  particulier.  Si  un  homme  est  batu  de  maladie,  la  main  de  Dieu  le  presse,  alors  il  fera  la  chatemitte:  mais  est-il  releve?  il  commence  a  dresser  les  cornes  mieux  que  iamais.  Voila  donc  comme  nous  en  sommes:  c'est  que  si  tost  que  Dieu  retire  sa  main,  il  nous  semble  que  nous  voila  absouts  du  tout,  et  qu'il  n'y  a  plus  de  moyen  a,  nous  punir.  Or  a  l'opposite  il  est  dit  ici,  que  quand  Dieu  aura  tire  une  flesche,  que  si  elle  ne  nous  a  navre  a  mort,  ce  n'est  rien:  car  il  y  2