28:18  d'avec  les  femmes.  Et  quand  il  n'y  auroit  point  de  Loy  escrite,  nature  ne  Penseigne-elle  point?  Comme  aussi  quand  S.  Paul  dit,  que  les  femmes  doivent  estre  coeffees,  et  non  point  deschevelees,  quand  elles  viennent  en  l'eglise,  il  remonstre  cela:  Et  quoy?  Faut-il  qu'on  vous  en  parle?  (dit-il).  Car  une  femme,  quand  elle  seroit  tondue,  s'en  viendra-  elle  monstrer  sa  teste  en  public?  comme  un  homme  s'osera  bien  descouvrir  la  teste  encores  qu'il  soit  tondu,  et  une  femme  le  fera-elle?  Ce  seroit  une  honte,  chacun  s'en  mocqueroit,  et  faudroit  qu'elle  s'en  allast  cacher.  Or  puis  que  vous  savez  cela  sans  aucune  escriture,  ne  parolle:  ne  voyezvou8  pas  que  Dieu  a  mis  comme  une  semence  de  modestie,  afin  qu'un  chacun  regarde  ce  qui  luy  est  decent?  Ainsi  notons  que  Dieu  a  voulu  ici  declairer,  qu'un  chacun  se  doit  accoustrer  en  telle  sorte  qu'il  y  ait  distinction  entre  les  hommes  et  les  femmes.  Et  de  faict  aussi  nous  voyons  les  dangers  qui  pourroyent  estre,  quand  les  hommes  seront  ainsi  desguisez,  qu'il  en  peut  advenir  beaucoup  d'inconveniens,  et  que  Dieu  y  sera  offense.  Ainsi  donc  ce  n'est  point  sans  cause  que  ceste  loy  a  este  mise:  et  ceux  qui  prennent  plaisir  a  se  desguiser,  despittent  Dieu:  comme  en  ces  masques,  et  en  ces  momons,  quand  les  femmes  s'accoustrent  en  hommes,  et  les  hommes  en  femmes,  ainsi  qu'on  en  fait:  et  qu'adviendra-il?  Encores  qu'il  n'y  eust  point  nulle  mauvaise  queue,  la  chose  en  soy  est  desplaisante  a  Dieu:  nous  oyons  ce  qui  en  est  ici  prononce:  Quiconques  le  fait,  c.  en  abomination.  Ce  mot-la  ne  nous  doit-il  pas  faire  dresser  les  cheveux  en  la  teste,  plustost  que  de  provoquer  l'ire  de  Dieu  sur  nous  a  nostre  escient?  Mais  encores  il  est  certain  que  quand  cela  sera  permis,  que  c'est  une  entree  et  ouverture  a  toute  paillardise:  que  tels  desguisent  ens,  en  un  mot,  ne  sont  que  macquerelages:  et  l'experience  le  monstre.  Ainsi,  ne  pensons  point  que  c'ait  este  chose  superflue,  quand  Dieu  a  ici  ordonne  que  les  hommes  eussent  leur  facon  pour  s'accoustrer,  et  que  les  femmes  aussi  fussent  accoustrees  selon  qu'il  est  convenable  a  leur  sexe.  Or  de  la  nous  avons  a  retenir,  que  Dieu  approuve  qu'il  y  ait  honnestete  en  nos  vestemens.  Il  est  vray  (comme  desia  nous  avons  dit)  que  ce  n'est  point  le  principal.  Si  on  vouloit  ici  establir  la  perfection  de  nostre  vie,  ce  seroit  faire  le  principal  de  l'accessoire  :  mais  cependant  si  ne  faut-il  point  laisser  ceci.  Car  les  Payens  mesmes  nous  en  ont  monstre  nostre  lecon:  et  ont  dit,  que  s'il  n'y  a  honnestete,  les  hommes  monstrent  que  la  reste  de  leurs  vertus  n'est  plus  imputee  a  vertu.  Car  il  semble  qu'ils  soyent  comme  abrutis,  quand  en  leurs  gestes  et  en  leurs  facons  de  faire  ils  ne  tiennent  point  quelque  ordre,  et  qu'il  n'y  a  discretion  ni  modestie.  Ainsi,  c'est  un  tesmoignage  que  2