27:18  donc  quand  on  nous  presche  la  parolle  de  Dieu,  de  venir  ici  la  teste  baissee,  et  cognoistre  que  c'est  une  doctrine  celeste  a  laquelle  il  nous  faut  tendre:  qu'il  n'est  point  question  ici  d'apporter  nos  imaginations  frivoles:  ou  autrement  malheur  sur  nous.  Mais  encores  Dieu  nous  fait  une  grande  grace,  quand  nous  pouvons  porter  sa  parolle,  et  qu'elle  habite  en  nous,  et  qu'en  cela  il  monstre  qu'il  a  accompli  ce  qu'il  a  prononce  par  ses  Prophetes:  c'est  assavoir,  qu'il  nous  a  choisis  pour  ses  Levites,  comme  il  en  sera  parle  demain  plus  au  long.  LE  DEUXIESME  SERMON  SUR  LE  CHAP.  X.  V.  8.11.  DU  MERCREDI  HE  DE  SEPTEMBRE  1555.  Nous  vismes  hier  que  Moyse  en  ce  passage  magnifie  la  misericorde  de  Dieu  sur  les  Levites,  comme  sur  tout  le  peuple.  Car  quand  il  a  recite  qu'Aaron  avoit  este  puni  pour  sa  faute,  il  est  certain  que  tout  son  lignage  devoit  bien  estre  degrade.  Or  tant  y  a  que  Dieu  par  sa  bonte  a  voulu  qu'il  y  eust  un  certain  nombre  de  gens  deputez  a  son  service:  et  les  a  choisis,  non  pas  selon  leur  dignite,  mais  en  sa  pure  misericorde.  Car  si  nous  ne  sommes  iamais  dignes  que  Dieu  nous  mette  en  un  petit  anglet  de  sa  maison,  comment  nous  eslevera-il  en  un  degre  beaucoup  plus  haut?  Voila  donc  l'intention  de  Moyse.  Mais  cependant  nous  avons  a  noter  les  trois  charges  qu'il  met  ici,  et  qu'il  dit  avoir  este  assignees  aux  Levites.  La  premiere  est,  de  porter  T  arche  de  V  alliance  de  Dieu,  et  les  vaisseaux  du  sanctuaire:  et  puis  il  y  a,  d'estre  presens  pour  servir  a  Dieu:  et  puis,  de  benir  au  nom  de  Dieu.  Voici  donc  les  trois  choses  qui  ont  este  en  la  sacrificature  ancienne.  Car  quant  est  du  sanctuaire  avec  toute  sa  dependance,  ce  n'a  este  qu'une  figure,  laquelle  il  nous  faut  rapporter  au  temple  spirituel,  c'est  a  dire,  a  l'eglise  de  Dieu,  et  aux  sacrifices  qui  luy  sont  presentez,  quand  les  fidelles  se  dedient  a  luy  et  en  corps  et  en  ame:  qu'is  luy  offrent  leurs  personnes,  afin  qu'il  y  soit  glorifie.  Voila  pour  un  item.  Le  second  est  le  service  dont  il  parle,  comme  aussi  bien  cela  consistoit  en  figure:  mais  la  verite  nous  est  venue,  quand  ceux  qui  auiourd'huy  sont  appellez  pour  gouverner  l'Eglise  de  Dieu,  font  leur  office,  ce  service  leur  est  attribue,  de  sacrifier  les  ames  a  Dieu  par  la  doctrine  de  l'Evangile,  et  tenir  l'ordre  et  police,  tellement  que  Dieu  soit  honore,  et  que  l'Eglise  soit  purgee  de  tous  scandales.  Pour  le  troisiesme  il  y  a  de  benir  au  nom  de  Dieu,  et  c'est  de  rendre  tesmoignage  de  la  bonte,  et  de  la  grace  de  Dieu  a  son  peuple.  Or  2