25:18  boles,  laetum  otium,  frugum  abundantia,  vitae  amoenitas,  et  delitiae,  honores  et  potentia?  Respondeo,  felicem  quem  servis  suis  assignat  vitae  statum,  non  obstare  quominus  suam  largitatem  promiscue  diffundat  in  totum  humanum  genus.  Vere  in  Psalmo  (36,  7)  vocatur  hominum  et  brutorum  animalium  servator:  vere  alibi  (Ps.  145,  9)  dicitur,  super  omnes  creaturas  extendi  eius  misericordiam  :  vere  Christus  immensam  eius  bonitatem  commendat,  quod  solem  suuni  oriri  facit  super  bonos  et  malos  (Matt.  5,  45).  Sed  exclamatio  prophetae  peraeque  vera  est  :  Quam  magna  multitudo  bonitatis  tuae  o  Dens,  quae  recondita  est  timentibus  te  (Ps.  31,  20)!  Nam  quum  omnes  sine  exceptione  omnibus  vitae  subsidiis  fruantur,  refulget  communiter  etiam  erga  impios  eius  bonitas,  quae  hic  luctatur  cum  hominum  malitia,  ut  quos  creavit,  fovere  et  tueri  non  desinat,  quantumvis  indignos.  Quod  ergo  impiis  benefacit,  proprium  creatoris  est.  Adhaec  ut  suspensas  teneat  fidelium  mentes,  ultimi  iudicii  exspectatione,  confuse  nunc  multa  misceri  patitur,  et  suum  iudicium  quasi  noctis  caligine,  vel  sub  nebulis  saltem  occultat,  quanquam  ita  suam  erga  reprobos  patientiam  temperat,  ut  in  hac  quam  dixi  confusione  signa  quaedam  irae  et  favoris  appareant.  Itaque  licet  mundi  gubernatio  nondum  ad  perfectam  normam  sit  composita:  Deus  tamen  in  ea  se  tam  scelerum  ultorem  quam  iustitiae  remuneratorem  ostendit,  et  in  tenebris  emicant  scintillae:  fidelesque,  licet  ad  satietatem  usque  non  fruantur  benedictione  sibi  promissa,  eam  tamen,  quatenus  expedit,  degustant.  Ad  impios  vero,  quamvis  diffluant  omni  bonorum  copia,  ne  gutta  quidem  bonitatis  Dei  pervenit:  quia  nisi  in  Dei  beneficiis  animo  concipitur  paternus  eius  favor,  ipsa  benedictio  evanescit.  Imo  quo  magis  se  ingurgitant,  exitialem  saginam  contrahunt:  et  Deus  consulto  ipsos  attollit,  ut  e  sublimi  gravius  praecipitet.  Denique  pascuntur,  ut  est  apud  prophetam,  in  diem  mactationis.  Tenendum  igitur  est,  benedictiones  quas  Deus  hic  servis  suis  promittit,  spirituali  sale  ab  ipso  condiri,  ne  insipidae  sint  :  reprobos  vero  qui  sensu  destituuntur  gratiae  Dei,  omni  quoque  eius  benedictione  privari.  Superest  tamen  adhuc  scrupulus,  quia  haec  de  qua  agitur  felicitas,  non  semper,  neque  aequali  modo  obtingit  Dei  servis:  imo  sub  lege  quoque  multis  molestiis  et  aerumnis  duriter  fuerunt  exercitati.  Respondeo,  quum  nemo  unquam  vel  sanctissimus,  integer  fuerit  legis  observator,  nemo  etiam  ab  omni  transgressione  purus,  non  mirum  esse  si  aliqua  tantum  ex  parte  potiti  sunt  benedictionibus  promissis:  quia  plenitudinis  non  erant  capaces.  Quod  si  quando  asperius  contingit  eos  castigari  quam  impios,  in  eo  quoque  nihil  absurdi:  quia  Deus  iudicium  a  domo  sua  inchoare  solet.  Caeterum  in  hac  quoque  mistura  cernitur  quod  propheta  docet,  iustos  nunquam  derelin-  2