24:18  crudele  et  inhumanum:  sed  quia  vigebat  in  illarum  cordibus  sincerior  religio  et  pietas.  Sciebant  autem  divinitus  electum  et  re  ipsa  expertae  erant  benedictum  esse  Abrahae  semen:  unde  sentire  promptum  erat,  exstinguere  in  ipso  Dei  gratiam,  sacrilegae  esse  impietatis.  Iam  notanda  est  antithesis  inter  timorem  Dei  et  poenae  formidinem,  quae  ipsas  ab  officio  dimovere  poterat.  Quando  non  facile  patiuntur  tyranni  contemni  sua  imperia,  morte  ante  oculos  obiecta,  puras  tamen  a  scelere  manus  continent.  Ita  Dei  reverentia  erectae  et  suffultae  Pharaonis  mandatum  et  minas  fortiter  spreverunt.  Itaque  quos  a  recto  cursu  abripit  hominum  terror,  sua  mollitie  produnt  inexcusabilem  Dei  contemptum,  sacrosanctis  eius  placitis  hominum  gratiam  praeferendo.  Latius  etiam  patet  doctrina  multos  plusquam  praepostere  sapere,  dum  subiectionis  praetextu,  praeter  ius  et  fas  improbae  regum  libidini  obtemperant,  dum  alii  avaritiae  et  rapacitatis,  alii  crudelitatis  sunt  ministri:  imo,  ut  caducis  mundi  regibus  gratificentur,  Deum  pro  nihilo  ducunt,  adeoque  puram  religionem  (quod  est  omnium  deterrimum)  ferro  et  ignibus  ex  professo  oppugnant.  Quo  magis  detestabilis  est  eorum  impudentia,  quod  dum  Christum  crucifigunt  scientes  et  volentes  in  suis  membris,  putidam  tamen  excusationem  obtendunt,  se  ex  Dei  verbo  principibus  suis  obedire.  Quasi  vero  principes  ordinando,  ius  illis  suum  resignaverit  :  ac  non  potius  optimo  iure  in  ordinem  cogatur  terrena  quaevis  potestas,  ubi  in  coelum  se  effert.  Quando  autem  hoc  tantum  captant  ut  probrum  apud  homines  effugiant  scelerati  obsequii,  non  longis  rationibus  coarguendi  sunt,  sed  ad  mulierum  iudicium  mittendi,  quia  obstetricum  exemplum  abunde  ad  eorum  damnationem  sufficit:  praesertim  ubi  eas  suo  elogio  commendat  spiritus,  quod  regi  non  obsequutae  sint  quia  timebant  Deum.  18.  M  vocans  Pharao.  Non  aequitate  nec  clementia  ad  moderate  agendum  inductus  fuit:  sed  quia  palam  non  audebat  miseros  et  innoxios  foetus  ex  utero  prodeuntes  ad  trucidationem  proiicere,  ne  tanta  atrocitas  ad  ulciscendi  rabiem  Israelitas  accenderet.  Clanculum  igitur  feminas  accersit,  ac  interrogat  cur  non  exsequutae  sint  quod  praeceperat  de  necandis  in  ipso  partu  infantibus.  Quanquam  non  dubito  seditionis  metu  fuisse  cohibitum  magis  quam  pudore.  In  obstetricum  responso  duo  vitia  notanda  sunt,  quia  nec  satis  ingenue  professae  sunt  suam  pietatem,  et  mendacio,  quod  gravius  est,  elapsae  sunt.  Nam  fabula  quam  excogitant  Rabbini  ad  purgandam  earum  culpam,  repudianda  est:  non  venisse  in  tempore,  quia  admonuerant  omnes  mulieres  Hebraeas  de  impia  regis  machinatione:  atque  ita  factum  esse  ut  parientibus  non  adessent.  Quid  enim  hac  divinatione  frigidius?  Atqui  Moses  sua  narratione  mentitas  fuisse  ostendit.  Quidam  genus*  2