17:18  manere  et  sumptibus  ac  vano  labori  parcere.  Sed  ita  placuit  Domino  cuius  sit  nomen  benedictum.  Eascalonus8)  ad  suum  principem  recurrens  cum  Mendosza9)  hac  iter  fecit.  Nihil  vidi  insipidius.  Narrabat  se  per  tres  horas  cum  Lotharingo  10)  colloquutum  a  quo  mira  audisset.  Video  hominem  iam  esse  fascinatum  aulica  ambitione  ac  vanitate,  et  plane  etiam  vereor  ne  proditorie  egerit.  Nam  de  legatis  et  re  ipsa  nihil  potui  extorquere.  Tantum  praedicabat  suam  diligentiam,  et  nescio  quas  ineptias  iactabat.  O  miseros  fratres,  nisi  alia  certiora  praesidia  haberent.  Mitto  ad  te  Casparis  l  l  )  literas,  ex  quibus  cognosces  quantopere  illic12)  expetor.  Ego  vero  me  ipsum  ultro  obtuli.  Sed  se  obiecerunt  difficultates  quas  nullo  modo  nunc  liceat  expedire.  Iam  hic  erat  sparsus  rumor  me  eo  profectum.  Oportebat  totam  classem  cogi.  Deinde  quid  putas  a  nostris  Arctopolitanis  potuisse  impetrari?  Itaque  etiamsi  ad  illos  venissem,  nihil  aliud  illis  attulissem  quam  novarum  turbarum  occasionem,  et  perpetuis  latebris  mihi  fuisset  inutiliter  delitescendum.  Ergo  placuit  haec  omnia  in  meliorem  occasionem  differre.  .  .  Genevae  transacta  sunt  omnia  incredibili  cum  omnium  bonorum  exsultatione.  13)  Benedictus  sit  Dominus  qui  repente  dissipavit  impiorum  consilia.  Is  vero  faxit  ut  istis  remediis  sic  utamur  ut  ab  eo  uno  semper  pendeamus.  Uxor  mea  te  salutat  ex  animo.  Ego  vero,  mi  pater,  rogo  te  et  obtestor  ut  me  tuis  precibus  iuvare  pergas,  ah  nimium  alioqui  ignavum  et  inutilem  Dei  servum.  Bene  vale,  mi  pater.  Dominus  Iesus  te  salvum  et  incolumem  ecclesiae  suae  conservet  tibique  magis  ac  magis  benedicat.  Laus.  xiii.  Ianuarii.  Tuus  Beza.  2793.  HOTOMANUS  BULLINGERO.  Agit  de  libro  a  Bullingero  sibi  olim  communicato  et  dudum  reddito  quem  ille  nunc  quoque  reposcit  8)  JV.  2762.  9)  Putamus  innui  Hispanum  Io.  de  Mendoza,  olim  Caroli  V.  legatum  in  Italia,  nunc  Begis  Galliae  in  Helvetia.  10)  Cardinali.  11)  Carmeli,  qui  eo  tempore  cum  Andeloto  in  Britannia  erat,  ex  quo  itinere  redux  apud  Andegavos  concionatus  est.  {Hist  eccl  I.  150)  Literae  illae  non  exstant  12)  Lutetiae,  Cf.  N.  2702.  13)  Foedus  d.  9.  lan.  renovatum.  2