14:18  Non  nescis  haud  dubie  concilium  indictum  esse  ad  Calendas  Maii.2)  Merae  sunt  artes  et  proditoriae  imposturae  imo  vis  aperta  in  singulis  relucet  verbis.  Caeterum  quid  aliud  exspectas  a  diabolo  et  membris  eius?  Mitto  exemplum,  si  forte  nullum  adhuc  ad  te  sit  delatum.  Quanquam  nihil  dubitem  illud  parum  correcte  esse  descriptum.  Vigilandum  nobis  diligentissime,  orandum  ardentissime,  laborandumque  fidelissime  video.  Insidiae  enim  et  pericula  invalescunt.  Non  nescis  procul  dubio  Magdeburgum  gravi  obsidione,  Caesare  sic  iubente,  propter  studium  purae  religionis  cinctum,  20.  Decembris  Domino  iuvante  solutum  triumphasse  de  hostibus,  capto  etiam  Georgio  duce  Mechelburgensi.  Sic  enim  scribunt  amici  Neroberga.  3)  Interea  circum  urbes  maritimas  confluxit  exercitus  equitum  circiter  3000  et  peditum  plus  minus  16000,  qui  occupavit  episcopatus  Werdensem,  Bremensem  et  Magdeburgensem.  Oontra  hunc  movit  nuper  Mauritius  instructus  Saxonico  et  Caesareano  milite.  Cymbricus  ille  exercitus  videtur  impediisse  Caesaris  consilia  et  conatum,  quominus  vos,  Pedemontanum  et  Helvetiam  nunc  aggrediatur  debellaturus.  Dominus  servet  nos  a  malo.  Vale  in  Domino  felicissime,  domine  et  frater  amicissime.  Salutant  te  fratres.  Saluta  D.  Gallasium,  D.  Farellum  nostrum,  et  alios  fratres  omnes.  Tiguri  19.  Ianuarii  1551.  Bullingerus  tuus.  1438.  CALVIN  A  LB  FEVRE.  1)  Consolations  adressees  a  un  prisonnier  incarcere  pour  sa  foi,  et  avis  au  sujet  de  quelques  articles  de  controverse.  2)  Urgente  Imperatore  concilium  revera  Cal.  Matis  Tridenti  instauratum  fuit,  ita  tamen  ut  in  sessione  XI.  nihil  factum  sit  praeter  decretum  deresumendo  concilio,  et  indictionem  futurae  sessionis  in  Cal.  Septembres.  (Pallav.  I  XI.  c.  14.  Libri  symb.  eccl.  cath.  ed.  Strettwolf  II.  62.)  3)  Propter  Interim  pertinaciter  repudiatum  civitas  Magdeburgensis  decreto  Imperatoris  exterminato,  fuit,  quod  dicunt,  et  m.  Septembre  1550  dux  Georgius  obsidionem  serio  inchoavit,  post  venationes  per  aliquod  tempus  continuatas.  Cives  satis  feliciter  se  defenderunt  frequentibus  factis  eruptionibus,  ubi  d.  20.  Dec.  ducem  ipsum  captivum  abduxerunt.  Verum  ideo  non  triumpharunt  ut  hic  refert  Noster.  Obsidio  per  totiim  annum  duravit  et  tandem  9.  Nov.  1551  urbs  se  dedidit  Mauritio.  (Sleid.  III.  217.  225/  284.  Banke  Y.  141.  178.)  Vide  etiam  N.  1402  et  1413.  1438.  1)  Bichard  le  Fevre,  compagnon  orfevre  natif  de  Rouen  instruit  des  sa  jeunesse  par  la  lecture  des  saintes  e  cr  itur  e  9