9:179  179  ULTIMA  ADMONITIO  180  corpori,  vel  forte  decimae  parti  tribuere  Saxoniae  nomen  si  ipse  non  erubuit,  neminem  adeo  bardum  fore  confido,  cui  non  foeteant  eius  ineptiae.  Adde  quod  suis  copiis  diffidens,  quia  meliore  subsidio  carebat,  Servetici  cuiusdam  hominis  epistolam  inserere  coactus  est:  ac  si  vallum  strueret  ex  stercoribus  undique  congestis.  Probabile  quidem  est,  quidquid  antea  laudis  aspersum  fuerat  homini  famelico,  fuisse  ab  eo  contractum,  ut  inscitiae  notam  a  se  depelleret.  Sed  huius  epistolae  quaenam  ratio  sit  coniicere  promptum  [pag.  113]  non  est.  Praedicat  Westphalus  ipse  sibi  ex  La  Babylone  esse  missam:  quasi  au  torem  esse  babylonicum  non  appareat,  nisi  interposito  italico  articulo.  l)  Itaque  divinant  acuti  quidam  homines,  a  leguleio  Pedemontano  esse  profectam:  qui  se  palam,  multis  in  locis,  impiis  et  exsecrandis  Serveti  dogmatibus  patronum  esse  professus  est.  Quae  coniectura2)  si  vera  est,  facete  Westphalum  derisit,  neque  enim  ullo  magis  ludo  eum  oblectari  certum  est,  quam  ubi  nos  videt  confligere.  Quidquid  sit,  fruantur  sane  Westphali  subscriptores  hoc  socio,  quando  pudorem  suum  sic  prostituendo  hanc  ignominiam  subire  non  recusarunt:  quam  utinam  mihi  integrum  esset  tegere,  nisi  quod  caeci  impetus  hanc  illis  mercedem  divinitus  rependi  non  ita  moleste  fero.  Animadverto  etiam  in  eorum  scriptis  verissimum  esse  quod  mihi  amicus  quidam  celebris  doctrinae  et  facundiae  scripsit,  mirabiliter  in  illo  [pag.  114]  maritimo  tractu  sapere  quosdam  homines,  ut  si  hodie  vivat  Sibylla  Cumana,  ad  eos  mittenda  sit,  quo  sagire  disceret.  Non  minus  secure  pronunciant  illi  paterculi  de  hac  causa,  quam  romanus  pontifex  ex  suo  tribunali  anathematum  fulmina  in  totam  evangelii  doctrinam  vibrat.  Neque  hac  arrogantia  contenti,  hominem  sibi  amicum  barbaris  conviciis  proscindunt,  ac  si  haec  ad  captandam  severae  gravitatis  famam  optima  esset  ratio,  nullis  contumeliis  vel  probris  parcere.  Verum  quia  hoc  spuere  est  non  loqui,  ridiculas  eorum  censuras  contemnere  praestat,  quam  eadem,  quibus  non  nisi  se  ipsos  foedarunt,  sputa  in  eorum  faciem  regerere.  Caeterum  quia  videntur  Magdeburgenses  non  ita  praecise  sententiam  pro  summo  imperio  ferre,  quin  rationibus  etiam  pugnent,  et  aliquam  observent  doctrinae  methodum,  excutienda  mihi  erit  eorum  confessio,  quae  si  eversa  fuerit,  facile  sua  ruina  [pag.  115]  alias  omnes  evertet.  Quanquam,  ne  sibi  vel  tantulum  placeant,  mox  perspicuum  fore  omnibus  spero,  totam  eorum  disputationem  non  nisi  ex  futilibus  argutiis  conflatam  esse.  Styli  truculentia  etsi  initio  formidinis  nonnihil  posset  simplicibus  incutere,  quia  tamen  postea  in  scurriles  ineptias  de-  )  si  non  que  cest  article  italien  La  j  fust  (Vide  supra  pag.  150).  2)  couverture  (?).