56:179  179  LEVITIQUE.  180  Chapitre  XIX.  1.  L'Eternel  parla  a  Moyse,  disant,  2.  Parle  a  toute  la  congregation  des  enfans  d'Israel,  et  leur  di,  Soyez  saincts:  car  moy  l'Eternel  vostre  Dieu  ie  suis  sainct.  3.  Vous  craindrez  un  chacun  son  pere  et  sa  mere.  Yous  garderez  mes  Repos;  car  ie  suis  l'Eternel  vostre  Dieu.  4.  Yous  ne  vous  tournerez  point  aux  idoles,  et  ne  vous  ferez  nuls  dieux  de  fonte:  ie  suis  l'Eternel  vostre  Dieu.  5.  Si  vous  sacrifiez  sacrifices  de  properitez  a  l'Eternel,  vous  les  sacrifierez  pour  estre  agreables.  6.  Il  se  mangera  au  iour  que  vous  l'aurez  sacrifie,  ou  le  l'endemain:  mais  ce  qui  restera  au  tiers  iour,  sera  brusle  au  feu.  7.  Que  s'il  est  mange  au  tiers  iour,  il  sera  abominable,  et  ne  plaira  point.  8.  Celuy  aussi  qui  en  mangera,  portera  la  peine  de  son  iniquite:  car  il  a  pollu  la  chose  saincte  de  l'Eternel:  pourtant  ceste  personne  sera  exterminee  de  son  peuple.  9.  Quand  vous  moissonnerez  la  moisson  de  vostre  terre,  tu  n'acheveras  point  de  moissonner  iusques  au  bors,  et  si  ne  recueilleras  point  les  espis  demeurez  de  ta  moisson.  10.  Item,  tu  ne  grapperas  point  ta  vigne,  et  ne  recueilleras  point  les  grains  des  grappes:  mais  tu  les  laisseras  au  povre  et  a  l'estranger:  ie  suis  l'Eternel  vostre  Dieu.  l  l  .  Vous  ne  desrobberez  point,  et  ne  desnierez  point  ce  que  vous  devez,  et  ne  mentirez  aucun  de  vous  a  son  prochain.  12.  Vous  ne  iurerez  point  par  mon  nom  en  mentant:  et  ne  souilleras  le  nom  de  ton  Dieu:  ie  suis  l'Eternel.  13.  Tu  ne  feras  point  tort  a  ton  prochain,  et  ne  le  pilleras:  le  loyer  de  ton  mercenaire  ne  demeurera  point  vers  toy  iusques  au  l'endemain.  14.  Tu  ne  maudiras  point  le  sourd,  et  ne  mettras  point  empeschement  devant  l'aveugle,  mais  tu  craindras  ton  Dieu:  ie  suis  l'Eternel.  15.  Tu  ne  feras  point  d'iniquite  en  iugement,  et  n'aura  point  esgard  a  la  personne  du  povre,  et  n'honoreras  la  personne  du  grand,  mais  iugeras  iustement  ton  prochain.  16.  Tu  ne  chemineras  point  comme  detracteur  parmi  ton  peuple,  tu  ne  te  dresseras  point  contre  le  sang  de  ton  prochain:  ie  suis  l'Eternel.  17.  Tu  ne  hairas  pas  ton  frere  en  ton  coeur.  Corrige  ton  prochain,  et  ne  leve  point  de  blasme  sur  luy.  18.  Tu  ne  te  vengeras  point,  et  ne  garderas  point  rancune  contre  les  enfans  de  ton  peuple:  ains  tu  aimeras  ton  prochain  comme  toi-mesme:  ie  suis  l'Eternel.  19.  Vous  garderez  mes  ordonnances.  Tu  ne  feras  point  cohabiter  ton  bestail  avec  autre  de  divers  genre.  Tu  ne  semeras  point  ton  champ  de  diverses  especes,  et  ne  te  vestiras  point  d'accoustrement  tissu  de  diverses  especes.1)  20.  Si  un  homme  a  couche  avec  une  femme  par  cohabitation  de  se-  *)  vestement  de  choses  diverses.  O.  suiv:  L'ed.  de  35  ajoute:  comme  de  tiretainne.