55:179  179  EPIST.  AD  HEBRAEOS  180  quirit  in  hac  parte,  quia  simulatque  securos  esse  aut  remissos  videt  Satan,  momento  nos  circumvenit.  Denique  contentione  et  vigilantia  opus  est,  si  velimus  perseverare  in  Dei  gratia.  Porro  g  r  a  t  i  a  e  nomine,  totam  nostram  vocationem  comprehendit.  Si  hinc  quispiam  inferat,  non  esse  igitur  efficacem  Dei  gratiam,  nisi  nos  proprio  motu  cooperemur,  frivolum  erit  argumentum.  Scimus  quanta  sit  carnis  nostrae  pigritia:  continuis  itaque  stimulis  indiget.  Sed  quum  Dominus  monendo  et  exhortando  nos  stimulat,  simul  etiam  corda  nostra  afficit  ne  vanae  sint  exhortationes,  vel  sine  effectu  diffluant.  Ergo  a  praeceptis  et  exhortationibus  colligendum  non  est  quid  per  se  valeat  homo,  aut  quae  sit  liberi  arbitrii  facultas  :  nam  certe  attentio,  quam  hic  apostolus  requirit,  donum  Dei  est.  Ne  qua  radix.  Non  dubito  quin  ad  locum  Mosis  respexerit,  qui  legitur  Deut.  capite  29.  Nam  promulgata  lege  Moses  cavendum  esse  docet  ne  qua  radix  fel  et  absynthium  germinans  in  populo  Dei  pollulet.  Postea  interpretatur  quid  sibi  velit,  ne  quis  scilicet  animae  suae  in  peccato  benedicens,  et  quemadmodum  ebrii  sitim  suam  acuere  solent,  pravam  cupiditatem  irritans,  impunitatis  illecebra  Dei  contemptum  inducat.  Idem  nunc  agit  apostolus:  praedicit  enim  fore  ut  si  talem  radicem  altius  crescere  sinamus,  multos  corrumpat  ac  depravet.  Nec  tantum  iubet  singulos  eradicare  ex  cordibus  suis  talem  pestem,  sed  prohibet  etiam  ne  patiamur  inter  nos  crescere.  Fieri  quidem  non  potest  quin  radices  istae  haereant  in  ecclesia  Dei:  quia  bonis  semper  mixti  sunt  hypocritae  et  impii:  sed  ubi  erumpunt,  resecari  debent,  ne  crescendo  suffocent  bonum  semen,  Amarulentiam  ponit  pro  eo  quod  Moses  dicit  fel  et  absynthium:  sed  uterque  venenosam  ac  mortiferam  radicem  exprimere  voluit.  Quum  ergo  tam  exitiale  sit  hoc  mali  genus,  eo  acriore  studio  occurrere  decet,  ne  longius  surgat  vel  serpat.  16.  Ne  quis  scortator  vel  profanus.  Sicuti  prius  ad  sanctimoniam  hortatus  est.  ita  ut  a  contrariis  inquinamentis  revocet,  speciem  unam  ponit  :  ne  quis  sit  scortator.  Sed  mox  ad  genus  ipsum  descendit:  ne  quis  sit  profanus.  Nam  hoc  nomen  proprie  sanctimoniae  opponitur.  In  hunc  finem  Dominus  nos  vocat  ut  in  suum  obsequium  sanctificet.  Id  fit  dum  mundo  renuntiamus.  Quisquis  autem  in  suis  sordibus  sibi  ita  placet  ut  in  eas  subinde  revolvatur,  se  profanat.  Quamquam  generaliter  profanos  definire  licet,  quicunque  con  tanti  aestimant  Dei  gratiam,  ut  ad  eam,  contempto  mundo,  adspirent.  Quoniam  autem  variis  modis  profanescunt  homines,  eo  maior  danda  est  opera  ne  Satanae  rima  pateat  ad  DOS  suis  corruptelis  inquinandos.  Et  quemadmodum  sine  consecratione  nulla  est  vera  religio,  semper  in  timore  Dei,  mortificatione  carnis,  totaque  pietatis  exercitatione  proficiendum  est.  Nam  quem-