51:179  179  EPIST.  PAULI  AD  EPHESIOS  180  ministris.  Paulus  tamen  alios  magis  quam  se  respicit.  Passim  quidem  male  audiebat,  quod  promiscuum  faceret  evangelium  Iudaeis  et  gentibus:  sed  non  tam  erat  sollicitus  sua  causa,  quam  quod  videbat  concuti  multorum  fidem,  quum  de  eius  apostolatu,  improborum  calumniis  turbati,  dubitare  inciperent.  Ideo  toties  ad  suam  de  voluntate  mandatoque  Dei  notitiam  revocat  Ephesios.  Quod  autem  prius  simpliciter  vocaverat  arcanum,  nunc  vocat  mysterium1)  C  h  r  i  s  t  i  :  significat  debuisse  occultum  latere,  donec  patefieret  eius  adventu.  Quemadmodum  Christi  vocari  possunt  vaticinia  quaecunque  ad  eius  regnum  pertinent.  Primum  autem  notanda  est  expositio  arcani  :  deinde  considerabimus  cur  dicat  ignotum  fuisse  omnibus  saeculis.  Arcanum  hoc  fuisse  dicit,  quod  gentes  in  promissionis  societatem  venire  debuerint  et  ita  fieri  vitae  participes  in  Christo,  idque  per  evangelium.  Aliae  sunt  rationes  huius  appellationis,  quum  evangelio  tribuitur:  sed  quae  praesenti  loco  non  conveniant.  Gentium  itaque  vocatio  arcanum  Christi  erat:  hoc  est,  implendum  sub  regno  Christi.  Sed  cur  negat  fuisse  cognitam,  quum  tot  vaticiniis  praedicta  foret?  Nam  passim  asserunt  prophetae,  venturos  ex  toto  orbe  populos,  ut  Deum  adorent:  erigendum  esse  tam  in  Assyria  quam  in  Aegypto  altare,  et  omnes  pariter  loquuturos  lingua  Chanaan.  Quibus  verbis  significant,  cultum  Dei  veri  et  eandem  fidei  confessionem  ubique  propagandam.  Regnum  Christi  extendunt  ab  Oriente  in  Occidentem,  et  omnes  terrae  populos  illi  subiiciunt.  Yidemus  quoque  ut  apostoli  multis  locis  testimonia  ad  eam  rem  citent:  neque  id  ex  posterioribus  solum  prophetis,  sed  etiam  ex  Mose.  Qui  potuit  igitur  esse  absconditum  quod  tot  praeconum  voce  promulgatum  fuerat?  Quid,  quod  sine  exceptione  Paulus  omnes  a  notitia  excludit?  Dicemusne,  prophetas  de  rebus  sibi  ignotis  loquutos,  et  sonum  edidisse  absque  intelligentia?  Respondeo,  non  sic  accipienda  esse  Pauli  verba,  quasi  de  his  rebus  nulla  prorsus  cognitio  fuerit.  Semper  enim  in  populo  aliqui  fuerunt,  qui  Dei  gratiam  agnoscerent  adventu  Messiae  in  toto  mundo  publicandam,  et  generis  humani  instaurationem  sperarent.  Ipsi  vero  prophetae  ex  certa  revelatione  vaticinabantur.  Sed  interea  nec  tempus,  nec  ratio  illis  constabat.  Gentibus  sciebant  aliquando  communicandam  esse  Dei  gratiam  :  sed  quando,  quomodo,  aut  quibus  mediis,  id  vero  totum  eos  latebat.  Eiusmodi  ignorantiae  insigne  fuit  specimen  in  apostolis.  Non  tantum  de  ea  re  edocti  erant  prophetarum  vaticiniis:  sed  audierant  claram  magistri  vocem  (Iohann.  10,  16),  Adhuc  alias  oves  habeo,  quae  non  sunt  de  hoc  ovili:  illas  quoque  oportet  aggregari,  ut  fiat  unum  ovile:  et  unus  pastor.  Rei  tamen  novitas  eos  impediebat  *)  arcanum.