50:179  179  EPIST.  PAULI  AD  GALATAS  180  sam  suae  vocationis  referre  solet  ad  gratuitum  Dei  placitum:  quod  diligenter  observandum  est.  Inde  enim  docemur,  non  tantum  quod  electi  et  adoptati  eumus  ad  vitam  aeternam,  deputandum  esse  Dei  gratia:  sed  etiam  quod  opera  nostra  dignatur  uti,  quum  simus  alioqui  profsus  inutiles:  quod  legitimam  vocationem  attribuit  in  qua  nos  exerceamus.  Quid  enim  Paulus  necdum  natus  dignum  habebat  tanto  honore?  sic  ergo  habendum,  totum  Jioc  divinae  esse  donationis,  non  marte  nostro  partum,  quod  ad  regendam  ipsius  ecclesiam  vocati  sumus.  Porro  quod  nonnulii  subtilius  philosophantur  in  vocabulo  segregationis,  id  abs  re  et  intempestive  faciunt.  Neque  enim  segregare  nos  Deus  dicitur,  quia  habitum  aliquem  infundat  quo  ab  aliis  differamus:  sed  quum  nos  suo  consilio  designat.  Tametsi  autem  iam  satis  aperte  tribuerat  Dei  gratiae  suam  vocationem,  quum  eius  principium  fecerat  voluntariam  illam  segregatione!��  ab  utero:  iterum  tamen  nominatim  exprimit,  partim  ut  gratiae  commendatio  purget  omnem  iactantiae  opinionem  :  partim  ut  suam  in  Deum  gratitudinem  testetur.  Libenter  enim  solet  hoc  facere,  etiam  ubi  nulla  est  cum  pseudoapostolis  disceptatio.  16.  Bevelare  filium.  Si  legas:  revelare  per  me:  hic  erit  finis  apostolatus,  Christum  palam  facere.  Quomodo?  praedicando  ipsum  inter  gentes.  Id  quod  illi  vitio  ducebant  pseudoapostoli.  Verum  quum  graece  sit  ev  afioE,  puto  hebraicam  phrasim  esse,  pro  mihi:  nam  apud  Hebraeos  D  saepe  est  supervacuum  :  quod  satis  constat  peritis  illius  linguae.  Sensus  igitur  erit,  revelatum  fuisse  Paulo  Christum,  non  ut  solus  frueretur  eius  cognitione  ipsumque  tacitus  in  sinu  suo  contineret:  sed  ut  abs  se  cognitum  praedicaret  inter  gentes.  Continuo  non  contuli.  Conferre  cum  carne  et  s  a  n  g  u  i  n  e  est  adhibere  carnem  et  sanguinem  in  consilium.  Quod  autem  ad  istarum  vocum  significationem  attinet,  simpliciter  voluit  excludere  omnia  humana  consilia.  Nam  generaliter  universos  mortales  hic  comprehendit,  et  quidquid  prudentiae  vel  consilii  habent,  sicuti  mox  ex  contextu  patebit:  imo  apostolos  nominatim  designat,  idque  eo  consilio,  ut  immediata  Dei  vocatio  clarius  refulgeat.  Sola  ergo  Dei  autoritate  fretus  eaque  contentus,  se  ad  munus  praedicationis  accinxit.  Neque  redii  Ierosolymam.  Expositio  est  proximae  sententiae  et  simul  amplificatio:  ac  si  diceret:  Neminem  mortalium  autorem  desideravi,  atque  adeo  ne  ipsos  quidem  apostolos.  Falluntur  ergo,  qui  negant  apostolos  comprehendi  sub  carne  et  sanguine,  quia  seorsum  nunc  eos  nominet.  Non  enim  aliquid  novum  aut  diversum  adiungit,  sed  tantum  exponit  clarius,  quod  erat  obscure  dictum.  Neque  contumeliosus  est  adversus  apostolos  in  eiusmodi  appellatione:  quia,  ut  ostenderet  se  non  fuisse  humanitus