5:179  PSYCHOPANNYCHIA.  sibi  inde  tantopere  placeant:  siquidem  animadvertere  debebant,  illic  metonymicos  1)  animae  nomen,  pro  vita  usurpari:  quod  anima  causa  sit  vitae,  quodque  vita  constet  anima:  quam  figuram  inter  elementa  pueri  quoque  perdiscunt.  Quis  vero  non  miretur  tantam  hominum  confidentiam,  qui  et  sibi  de  se  magnum  aliquid  persuadeant,  atque  aliis  etiam  videri  velint,  qui  tamen  docendi  sunt  tropos  et  loquendi  schemata?  Scimus  et  pro  voluntate  seu  2)  desiderio  accipi,  non  absimili  ratione:  nempe  quia  voluntatis  et  desiderii  sedes  est.  Quo  sensu  dicta  est  anima  Ionathae  conglutinata  animae  Davidis  (1  Sam.  18,  1);  et  anima  Sichem  adhaesisse  cum  Dina,  filia  Iacob  (Gen.  34,  3):  et  Lucas  dicit  (Act.  4,  32),  multitudinis  credentium  fuisse  cor  unum  et  animam  unam.  Quis  vero  non  videat  istis  hebraismis  multam  vim  inesse?  Benedic  anima  mea  Domino  (Psal.  103,  1;  104,  1).  Magnificat  anima  mea  Dominum  (Luc.  1,  46).  Dic  animae  meae,  salus  tua  ego  sum  (Psal.  35,  3):  plusque  nescio  quid  exprimi,  quam  si  dictum  esset,  sine  adiecto:  Benedic  Dominum;  Magnifico  Dominum;  Dic  mihi,  salus  tua  ego  sum.  Aliquando  simpliciter  pro  homine  animato.  Ut,  quum  dicuntur  septuaginta  sex  3)  animae  (Act.  7,  14)  descendisse  cum  Iacob  in  Aegyptum.  Item:  Anima  quae  peccaverit,  ipsa  morietur  (Iezech.  18,  4).  Anima  quae  declinaverit  ad  magos  et  ariolos,  morte  morietur  (Lev.  20,  6),  etc.  Nonnunquam  et  flatum  vocari,  quo  spirant  ac  respirant  homines:  in  quo  vitalis  corporis  motus  residet.  Quo  modo  hos  locos  accipio:  Anxietas  apprehendit  me,  etiamsi  tota  anima  mea  adhuc  in  me  est  (2  Sam.  1,  9).  Et:  Anima  eius  in  ipso  est  (Act.  20,  10).  Et:  Revertatur  anima  pueri  intra  viscera  eius  (1  Reg.  17,  21).  Quin  et  eadem  loquendi  forma,  qua  vulgo  dicimus  animam  efflari  et  exspirari,  scriptura  animam  egredi  dicit.  Ut  de  Rachel  (Gen.  35,  18):  Egrediente  autem  anima  (nam  ipsa  moriebatur)  vocavit  nomen  pueri,  Bin  oni.4)  Scimus,  spiritum  esse  flatum  ac  ventum,  et  hac  ratione  vocari  a  Graecis  frequentius  πνοήν.  Scimus,  pro  re  vana  et  nihili  usurpari  [fol.  3]  apud  Iesaiam:  Concepimus  et  parturivimus,  et  peperimus  spiritum  (Ies.  26,  18):  saepissime  vero,  quod  ex  spiritu  Dei  regeneratum  est  in  nobis.  Nam  quum  Paulus  scribit,  spiritum  concupiscere  adversus  carnem  (Gal.  5,  17):  non  intelligit,  animam  pugnare  1)  Sic  1542  et  1545.  Caeterae:  metonymice.  2)  1542  et  1545  habent  ceu,  Gallus:  et.  3)  Sic  scribendum  testibus  libris  antiquioribus  1542.  1545.  1552  et  versione  gallica.  In  numero  autorem  memoria  fefellit  qui  Act.  7,  14  et  apud  LXX  Gen.  46,  27;  Exod.  1,  5  septuaginta  quinque  animarum  dicitur.  Sexaginta  sex  habent  recentiores  inde  a  1563.  Quem  numerum  corrector  ex  Gen.  46,  26  desumpsit,  ipso  hoc  loco  in  margine  laudato.  Antea  omnes  adscripserant  Gen.  49,  postea  1576  ss.  Exod.  1,  5.  4)  Bin  oni  1542.  1545.  Caeterae:  Ben-oni.  Sic  quoque  G.