29:179  179  SERMON  exem.  180  temps  ceste  doctrine.  Car  quand  il  dit:  Sacrifiez  au  Seigneur  sacrifices  de  iustice,  au  Pseaume  quatriesme,  c'est  pour  redarguer  ceux  qui  avoyent  perverti  la  religion.  Et  pource  que  ses  ennemis  avoyent  la  vogue  de  ce  teinps-la,  et  qu'il  estoit  cependant  chasse  et  banni,  et  que  les  meschans  se  vantoyent,  comme  font  auiourd'huy  les  Papistes:  Comment?  nous  sommes  l'Eglise  catholique:  nous  avons  le  temple  de  Dieu:  nous  avons  tous  les  titres  qui  appartiennent  a  l'Eglise.  Or  David  despitte  tous  ceux  qui  abusoyent  ainsi  du  Nom  de  Dieu,  et  declare  que  tout  leur  cas  n'est  rien  que  mensonge.  Et  pourquoy?  Sacrifiez  a  Dieu  sacrifices  de  iustice.  Il  use  de  ce  mot  que  Moyse  a  couche  ici,  pour  monstrer  que  Dieu  n'a  iamais  entendu  que  les  hommes  s'acquittassent  envers  luy  par  ceremonies  et  choses  semblables:  mais  qu'il  a  pretendu  de  les  amener  a  son  service  spirituel,  c'est  assavoir  qu'ils  eussent  leur  fiance  en  luy,  qu'ils  l'invoquassent,  et  luy  attribuassent  la  gloire  et  la  louange  de  tous  biens.  Voila  ce  qu'il  a  demande:  et  c'est  le  but  ou  il  veut  que  nous  regardions.  Et  ainsi  nous  avons  encores  une  autre  bonne  admonition  en  ce  passage,  et  ce  sera  pour  fin  et  conclusion,  d'autant  que  le  temps  n'en  porteroit  point  davantage.  Notons  bien  que  Moyse  apres  avoir  parle  ainsi  du  zele  qu'auront  ceux  d'Issachar  et  de  Zabulon,  dit,  que  Dieu  les  benira.  Or  il  est  vray  que  maintenant  que  le  royaume  de  cieux  nous  est  ouvert  en  nostre  Seigneur  Iesus  Christ,  et  qu'il  nous  faut  regarder  la  haut  pour  y  cercher  nostre  vraye  beatitude,  nous  ne  serons  pas  tousiours  riches  en  ce  monde,  nous  n'aurons  pas  les  traffiques  de  la  mer,  nous  n'en  humerons  point  la  graisse  :  car  il  est  bon  aussi  que  nostre  Seigneur  nous  entretienne  en  petite  condition  et  basse.  Mais  tant  y  a  que  nous  serons  benits  de  luy,  quand  nous  serons  ses  enfans:  comme  sainct  Paul  declare  que  la  vraye  religion  et  la  crainte  de  Dieu  a  les  promesses  et  de  la  vie  presente  et  de  la  vie  a  venir.  Et  ainsi,  quand  nous  voudrons  estre  gouvernez  sous  la  main  de  Dieu,  et  qu'il  nous  envoye  prosperite,  qui  soit  propre  pour  nostre  salut  :  que  nous  apprenions  de  nous  dedier  a  luy,  que  nous  mettions  peine  aussi  qu'un  chacun  le  serve,  qu'il  soit  adore  d'un  commun  accord.  Quand  nous  aurons  cela,  il  est  certain  que  nous  sentirons  que  Dieu  ne  nous  a  point  mis  en  oubli,  et  verrons  aussi  quelle  vertu  il  y  a  en  sa  grace,  quand  elle  sera  declaree  sur  nous.  Et  c'est  ce  que  dit  nostre  Seigneur  Iesus  Christ:  Qu'il  nous  faut  cercher  en  premier  lieu  le  royaume  do  Dieu,  c'est  a,  dire,  qu'il  nous  faut  tascher  tant  qu'il  nous  sera  possible  que  Dieu  soit  honore,  et  que  les  monde  soit  recueilli  a  luy,  et  que  nous  y  venions  les  premiers.  Quand  donc  nous  aurons  ce  zeie-la,  le  reste  nous  sera  adiouste.  Mais  si  nous  commencons  par