27:179  179  SERMON  LXXXII.  180  hommes,  encores  qu'ils  n'ayent  point  d'obiets  devant  leurs  yeux,  ne  laisseront  pas  de  forger  beaucoup  de  follies,  et  cuideront  plaire  a  Dieu  par  ce  moyen-la.  Or  si  nous  avons  des  exemples  de  coste  et  d'autre,  cela  encores  nous  incite  tant  plus:  outre  ce  que  nous  sommes  fretillans  de  nature,  cela  nous  aiguise,  pour  dire:  Et  pourquoy  telle  chose  ne  sera-elle  pas  bonne?  Car  les  Iuifs  avoyent  veu  les  facons  de  faire  d'Egypte,  et  des  autres  Payens:  ils  eussent  peu  donc  estre  incitez  de  se  conformer  a  eux,  et  c'estoit  une  corruption  pour  pervertir  tout  le  service  de  Dieu.  Voila  pourquoy  la  provision  y  estoit  donnee  de  Dieu,  qui  les  occupoit  tellement  qu'ils  estoyent  bien  empeschez  de  faire  ce  qui  estoit  la  ordonne,  et  n'avoyent  point  loisir  de  se  distraire,  ne  d'adiouster  aucune  invention.  Ainsi  nous  voyons  que  ce  n'est  point  sans  cause,  quand  le  peuple  est  entre  en  la  terre  de  Canaan,  que  Dieu  luy  a  donne  tant  de  loix,  tant  de  reigles,  tant  de  ceremonies.  Car  en  premier  lieu  il  falloit,  devant  que  Iesus  Christ  fust  manifeste  au  monde,  que  les  figures  et  ombrages  suppleassent  a  la  verite  qui  n'estoit  point  revelee:  et  puis,  Dieu  a  voulu  esprouver  l'obeissance  de  son  peuple  par  ce  moyen:  et  puis,  il  luy  a  oste  toute  occasion  de  se  fourrer  parmi  les  superstitions  des  Payens  et  incredules.  Et  voila  pourquoy  Moyse  dit:  Vous  passerem  le  Iourdain,  et  Dieu  vous  donnera  repos  en  la  terre  qu1  il  vous  a  promise,  et  la  vous  habiterez  seurement,  encores  que  vous  ayes  des  ennemis  a  Venviron,  et  alors  il  choisira  un  lieu  en  l'une  de  vos  lignees,  et  vous  y  apporterez  vos  sacrifices,  vos  holocaustes  et  offrandes  :  et  voici  le  vray  sacrifice  (dit-il)  quand  vous  ne  ferez  rien  a  vostre  appetit,  mais  qu'en  tout  et  par  tout  vous  obeyrez  a  Dieu.  Quand  il  dit  qu'ils  viendront  en  la  terre,  c'est  pour  monstrer  que  Dieu  avoit  differe  iusques  a  ce  temps-la  de  donner  sa  Loy,  pour  specifier  ce  qui  luy  estoit  agreable:  car  il  vouloit  establir  son  service  apres  avoir  accompli  sa  promesse  donnee  a  Abraham.  Et  en  cela  il  a  bien  monstre  que  la  terre  de  Canaan  devoit  conduire  les  Iuifs  plus  loin.  Car  s'il  n'eust  este  question  que  de  la  terre,  c'estoit  assez  qu'ils  y  fussent  entrez,  et  que  la.  Dieu  leur  donnast  dequoy  se  bien  saouler:  mais  il  dresse  son  service,  et  monstre  comme  doresenavant  on  le  doit  honorer:  et  le  tout  se  rapporte  a  nostre  Seigneur  Iesus  Christ.  Nous  voyons  donc  que  la  terre  de  Canaan  devoit  conduire  les  Iuifs  a  l'esperance  de  la  vie  celeste,  et  qu'il  ne  falloit  point  qu'ils  s'amusassent  a,  la  iouyssance  et  possession  du  profit  qui  leur  en  revenoit  mais  qu'ils  passassent  plus  outre,  cognoissant  que  Dieu  vouloit  regner  entre  eux  d'une  facon  spirituelle.  Voila  pourquoy  il  n'a  point  voulu  du  premier  coup  donner  les  ceremonies,  comme  elles  sont  contenues  au  Levitique: