20:179  179  EPISTOLA  4040  180  voce,  tum  literis.  Proinde  HoTbrachum  hortabatur  ad  subscriptionem,  modo  ipsi  liceret  excipere  :  potius  quam  ut  sineret  ecclesiam,  id  quod  adversarii  moliebantur,  dissipari.  Ego  vero  nulla  alia  ratione  et  nullis  aliis  de  causis,  quam  ut  ne  locum  cederem  talibus  adversariis,  qui  praeter  impiam  de  coena  deque  ubiquitate  doctrinam  Pelagianismum  etiam  in  scholam  introducerent,  subscripsi:  idque  tum  demum,  quum  vidissem,  reliquos  omnes  meos  collegas  subscripsisse  :  et  mihi,  nisi  idem  facerem,  omnino  stationem  esse  deserendam.  Id  quod  eumprimis  cupiebant  adversarii,  et  omnibus  suis  viribus,  hoc  est,  falsis  accusationibus,  calumniis,  clamoribus,  conviciis,  dolis  et  cuniculis,  totum  biennium  conati  fuerunt  ut  consequerentur.  Praemisi  porro  meas  exceptiones,  et  protestatus  sum  palam,  me  nolle  ut  hac  mea  subscriptione  ullum  fiat  praeiudicium  aliis  ecclesiis  et  academiis,  quae  mihi  dederant  testimonia,  neque  ipsi  veritati,  neque  doctrinae,  quam  ego  in  hac  schola  tradidi  per  octennium,  quaeque  continetur  in  meis  praelectionibus,  disputationibus,  confessionibus:  velleque,  ut  mihi  liceat  interpretari  tam  Augustanam  confessionem,  quam  praesentes  articulos  iuxta  regulam  verbi  Dei,  doctrinam  Augustini,  Lutheri  propter  doctrinam  de  praedestinatione,  et  Buceri.  Neque  has  exceptiones  compositores  reiecerunt.  Quomodo  igitur  recessi  a  recepta  doctrina?  Imo  contra  compositores  rotundis  verbis  Sturmio,  mihi  et  aliis  aliquot  collegis  dixerant  antea:  pastores  nobiscum  admittere  doctrinam  Augustini,  Lutheri  et  Buceri  de  praedestinatione:  et  mihi  seorsum,  quum  ostendissem  eandem  plane  conclusionem  de  perseverantia  sanctorum  in  libro  Heshusii  de  libero  arbitrio,  dixerunt,  meos  adversarios  totum  illum  librum  probare.  De  coena  etiam  concesserant  nobis  doctrinam  Buceri  et  aliorum  maiorum  nostrorum,  qui  in  hac  schola  atque  ecclesia  docuerunt  :  adeoque  confessiones  omnes  et  Apologiam  huius  civitatis.  Mihi  vero  speciatim  hanc  meam  de  praesentia  corporis  Christi  in  coena  explicationem  admiserunt:  illud  nullo  modo  praesens  esse  corporibus  nostris,  quod  nullo  corporis  sensu  percipiatur,  praesens  vero  esse  fidelium  mentibus  quod  ab  ipsis  vere  percipiatur:  atque  ita  vere  percipiatur,  ut  ipsius  vis  in  ipsa  quoque  corpora  nostra  redundet,  qua  indies  magis  ac  magis  mortificentur,  regenerentur  et  capiti  Christo  incorporentur,  atque  ad  gloriosam  resurrectionem  disponantur.  Quum  haec  illi  nobis  concesserint:  cur  non  debuissemus  et  nos  articulis  illis,  concordiae  gratia,  subscribere?  Adde  quod,  antequam  fieret  subscriptio,  Sturmius  miserat  ad  compositores  permultas  conclusiones  impias  ex  libro  pastorum  contra  me  scripto  collectas:  compositores  eas,  ut  audio,  praelegerunt  pastoribus  et  interrogarunt,  an  ita  docerent?  responderunt,  se  non  ita