1:179  [CO  1.  179]  ullam  promissionem  habet.  Siquidem  cum  duo  ista  in  sacramento  exigimus,  ut  caeremonia  sit  a  Deo  instituta,  ut  Dei  promissionem  habeat  ;  simul  postulamus  ut  caeremonia  illa  nobis  tradita  sit  et  promissio  ad  nos  spectet  Non  enim  circumcisionem  iam,  sacramentum  christianae  ecclesiae  quisquam  esse  contendit,  tametsi  et  Dei  institutum  erat  et  promissionem  annexam  habebat;  quia  nec  nobis  mandata  fuit,  nec  promissio  quae  illi  adiuncta  fuerat,  nobis  data.  Promissionem,  quam  in  unctione  ferociter  iactant,  nobis  non  esse  datam  evidenter  demonstravimus  et  ipsi  experientia  declarant.  Caeremonia  usurpari  non  debuit,  nisi  ab  iis  qui  curationum  gratia  praediti  fuerunt,  non  ab  istis  carnificibus,  qui  plus  mactando  ac  trucidando  valent  quam  sanando.  Quanquam,  etiamsi  obtinuerint,  huic  aetati  convenire,  quod  de  unctione  ab  Iacobo  praecipitur  (a  quo [p. 367]  longissime  absunt)  ne  sic  quidem  adhuc  multum  promoverint  in  approbanda  sua  unctione,  qua  hactenus  nos  illeverunt.  Iacobus  omnes  infirmos  vult  inungi;  isti  non  infirmos  sed  semimortua  cadavera  sua  pinguedine  inficiunt,  cum  iamiam  anima  in  primoribus  labris  laborat  vel,  ut  ipsi  loquuntur,  in  [OS  205]  extremis.  Si  praesentem  habent  medicinam  in  suo  sacramento,  qua  vel  morborum  acerbitatem  leniant,  vel  saltem  aliquod  animae  solatium  adferant,  crudeles  sunt,  qui  nunquam  in  tempore  medentur.  Iacobus  vult,  infirmum  ungi  a  senioribus  ecclesiae;  isti  unctorem  non  admittunt,  nisi  sacrificulum.  Quod  apud  Iacobum  presbyteros  interpretantur  sacerdotes  et  pluralem  numerum  ad  decorem  positum  nugantur,  nimis  frivolum  est;  quasi  vero  ecclesiae  eo  tempore  sacrificorum  examinibus  abundarint,  ut  in  longa  pompa  procedere  potuerint  ad  ferendum  sacri  olei  ferculum.  Iacobus  dum  simpliciter  ungi  infirmos  iubet,  non  aliam  unctionem  mihi  significat,  quam  vulgaris  olei;  nec  aliud  habetur  in  Marci  narratione.  Isti  oleum  non  dignantur,  nisi  ab  episcopo  consecratum,  hoc  est  multo  halitu  calefactum,  multo  murmure  incantatum  et  novies  flexo  genu  salutatum:  ter  ave  sanctum  oleum,  ter  ave  sanctum  chrisma,  1)  ter  ave  sanctum [p. 368]  balsamum.  A  quo  tales  exorcismos  hauserunt?  Iacobus  dicit,  quod  ubi  unctus  oleo  fuerit  infirmus  et  oratum  fuerit  super  eum,  si  in  peccatis  fuerit,  remittentur  ei,  non  intelligens,  pinguedine  deleri  peccata,  sed  fidelium  orationes,  quibus  adflictus  frater  Deo  commendatus  fuerit,  non  fore  irritas.  Isti  per  sacram  suam,  id  est,  abominabilem  unctionem,  peccata  remitti  impie  mentiuntur.  En,  quam  pulchre  proficient,  ubi  Iacobi  testimonio  pro  sua  libidine  prolixe  abuti  permissi  fuerint.  1)  Lapsu  typographi  habet  archetypum:  charisma.  Edd.