9:178  vel  blanditiis  Westphali  elicitas,  vel  importunitate  extortas,  non  dico  ipse,  sed  ex  eius  literis  quas  apud  se  latere  noluit,  [pag.  110]  palam  apparet.  Tantum  lectores  expendere  velim,  quam  serviliter  aduletur  multis  sodalibus,  dum  eorum  suffragia  corrogat:  quam  vero  acriter  incusso  pudore  alios  instiget.  Omitto  cursitationes,  quarum  huc  usque  fama  pervenit.  Certe  quia  neminem  latere  voluit  quibus  modis  subscriptores  suos  vel  traxerit,  vel  impulerit  ad  maledicendum:  hinc  quoque  iudicium  facere  licebit  quid  fidei  mereantur  eorum  testimonia.  Et  tamen  perfricta  fronte  scribit  bonus  vir,  iam  per  annos  quatuor  tam  in  Germania  quam  in  Helvetia  suffragia  conquirere  comprobando  meo  errori.  Quasi  apud  Helvetios  sumendus  fuerit  hic  labor,  quorum  nemo  dissimulat  communem  esse  doctrinam  quae  a  me  defensa  est.  Scilicet,  qui  ultro  parati  erant  singuli  operas  suas  conferre,  suppliciter  fuerunt  deprecandi,  ne  meum  officium  respuerent.  De  Germanis  securus  exspecto,  quosnam  huius  conquisitionis  adducat  testes.  Interim  eius  mendicitas  [pag.  l  l  l  ]  omnibus  nota  est.  Quod  autem  homines  nescio  quos  nactus,  qui  auribus  annuerent,  se  mihi  hostes  esse,  magnifice  iactat  nihil  mihi  amplius  restare,  nisi  ut  convictus  obmutescam:  quia  mihi  adversetur  tota  Saxonia.  Ego  vero  ita  cum  piis  et  fidelibus  Christi  servis  coniunctionem  modeste  colere  didici,  ut  tamen  ab  eorum  placitis  non  pendeam.  Quia  persuasus  eram  non  paucos  in  Saxonia  esse  doctos  et  cordatos  sanique  iudicii  homines,  apud  quos  nonnihil  valeret  ratio  et  veritas,  libellum  meum  omnibus  inspiciendum  obtuli.  Superbe  exprobrat  Westphalus  repudiatum  me  fuisse:  quasi  vero  in  me  positum  fuerit  ut  mutua  inter  nos  constaret  humanitas.  Sed  quando  suffragatorum  suorum  numero  ita  gloriatur  Westphalus,  ut  mihi  praecisam  esse  linguam  putet,  paucis  verbis  excipere  mihi  liceat:  adeo  hac  conspiratione  non  fuisse  mihi  fractum  animum,  ut  ad  conciliandum  causae  meae  favorem  [pag.  112]  magno  redimenda  mihi  fuerit  hominis  stoliditas.  Nam  hactenus  putavi,  quod  etiam  inter  omnes  passim  convenit,  duos  Saxoniae  oculos  esse  Wittebergam  et  Lipsiam.  Has  ecclesias  se  tentasse  Westphalus  non  negabit,  imo  adulatoriae  eius  literae  quas  ad  N.  et  N.  scriptas  vulgavit,*)  nescio  quid  plus  clamitant  quam  si  ingenue  professus  esset  repulsam  se  fuisse  passum.  Nunc  post  erutos  oculos,  reliquo  sessiones  ab  ipso  conquisitas  iunctim  evulgavit,  eo  consilio  nt  ostenderet  Calvinum  vana  fiducia  elatum  fuisse  quum  Secundam  suam  Defensionem  iisdem  utpote  suae  sidet  sociis  dedicaret.  *)  Suni  tres  Westphali  epistolae  ad  Anonymos  scriptae,  quae  leguntur  I.  c.  B.  1,  %  3.  Suspicatur  Noster  illum  responsorias  ad  has  nullas  accepisse  quia  alioqui  nomina  non  tacuisset.  Memineris  tamen  Westphalum  potius  Saoeoniam  inferiorem  excitasse.  12