55:178  malorum  comparavit,  recta  pergit  quocunque  Dominus  vocat,  neque  vel  ad  dexteram,  vel  ad  sinistram  deflectit.  In  summa,  hanc  bene  agendi  regulam  praescribit  ut  ad  Dei  voluntatem  gressus  nostros  dirigamus,  ne  vel  metus,  vel  mundi  illecebrae,  vel  alia  noa  inde  abducant.  Ideo  subiicit,  Ne  claud  i  c  a  t  i  o  a  b  e  r  r  e  t  :  hoc  est,  ne  claudicando,  tandem  a  via  longius  recedatis.  Claudicationem  vocat,  quum  mentes  hominum  alternant,  nec  sincere  Deo  se  addicunt.  Sic  alloquebatur  Elias  illos  duplices,  qui  cultum  Dei  superstitionibus  suis  miscebant:  Quousque  claudicatis  in  utramque  partem  (1.  Reg.  18,  21)  ?  Est  autem  elegans  haec  loquutio:  multo  enim  deterius  est  errare  quam  claudicare.  Iam,  qui  claudicare  incipiunt,  non  statim  avertunt  se  a  via,  sed  paulatim  magis  ac  magis  ab  ea  recedunt,  donec  in  errorem  abrepti  in  medio  Satanae  labyrintho  impliciti  haereant.  Monet  igitur  apostolus  ut  sanandae  claudicationi  mature  demus  operam:  quia  si  illi  indulgeamus,  longius  nos  a  Deo  tandem  avertet.  Posset  etiam  verti,  Ne  claudicatio  degeneret,  aut  discedat:  manebit  tamen  idem  sensus:  quoniam  significat  apostolus,  eos  qui  rectum  cursum  non  tenent,  sed  paululum  per  incuriam  huc  vel  illuc  deflectere  sibi  permittunt,  temporis  successu  penitus  a  Deo  alienari.  14.  Pacem  sectamini.  Ita  nati  sunt  homines  ut  videatur  unusquisque  fugitare  pacem:  sibi  enim  privatim  singuli  student,  mores  suos  volunt  ferri,  aliorum  moribus  se  accommodare  non  dignantur.  Ergo  nisi  magno  labore  sectemur  pacem,  eam  nunquam  retinebimus:  multa  enim  quotidie  accident  quae  occasionem  praebeant  dissidiis.  Haec  ratio  est  cur  iubeat  apostolus  pacem  sectari  :  ac  si  diceret,  non  colendam  esse  duntaxat  quoad  nobis  erit  commodum,  sed  enitendum  esse  summo  studio  ut  salva  inter  nos  maneat.  Quod  fieri  non  potest  nisi  multas  offensas  obliviscamur,  atque  alii  aliis  ia  multis  rebus  mutuam  demus  veniam.  Quia  tamen  pax  ab  impiis  alia  conditione  non  potest  impetrari,  quam  si  eorum  vitiis  ac  sceleribus  assentiamur:  ideo  protinus  addit  apostolus,  s  a  n  c  t  i  m  o  n  i  am  una  cum  pace  sectandam  esse:  ac  si  nobis  eum  hac  exceptione  pacem  commendaret,  ne  malorum  amicitia  nos  inquinet  aut  polluat.  Sanctimonia  enim  Deum  proprie  respicit.  Quare  etiamsi  totus  mundus  bello  flagrare  debeat,  non  est  deserenda  sanctimonia,  quae  vinculum  est  nostrae  cum  Deo  coniunctionis.  Denique  placide  foveamus  cum  hominibus  concordiam,  sed  usque  ad  aras,  ut  habet  proverbium.  Negat  quemquam  posse  Deum  videre  sine  sanctimonia:  quoniam  non  aliis  oculis  videbimus  Deum,  quam  qui  reformati  fuerint  ad  eius  imaginem.  15.  Curam  agentes  ne  quis,  ete.  Vel,  attente  providentes.  His  verbis  indicat  proclivem  esse  lapsum  a  Dei  gratia:  neque  enim  frustra  attentionem  re-  12