51:178  valebant,  opponit:  ne  protinus  suspectum  sit  quod  minus  est  notum.  Porro  arcanum  sibi  patefactum  esse  dicit  revelatione:  in  quo  se  a  fanaticis  hominibus  disiungit,  qui  Deo  et  spiritui  sancto  adscribunt  quidquid  somniaverint.  Iactant  quidem  etiam  pseudoprophetae  revelationes,  sed  mentiuntur:  Paulo  autem  constabat  revelationis  suae  veritas:  et  aliis  etiam  demonstrare  poterat:  et  certe  quasi  de  re  probe  testata  loquitur.  Scripsi  paulo  ante.  Vel  hic  memoria  repetit  quod  iam  secundo  capite  attigerat,  vel  de  altera  epistola  loquitur:  quod  fere  omnium  consensu  receptum  est.  Si  prior  expositio  placeat,  optime  convenit,  scripsisse  eum  paucis,  quia  hoc  argumentum  quasi  in  transcursu  delibaverat.  Sed  quia  posterior  magis,  ut  dixi,  obtinuit,  eam  in  versione  sequutus  sum.  Itaque  parti*  culam  ev  oXiy,  quam  Erasmus  paucis  transtulit,  ad  tempus  referre  visum  est.  Nam  hoc  modo  subesset  tacita  comparatio  inter  hanc  scriptionem  et  illam  superiorem.  Atqui  minime  quadraret,  brevitatem  notari^  ubi  non  potuit  magis  concise  restringere,  quam  hic  obiter  attingit,  sermonem.  Exiguum  vero  tempus  designans,  videtur  appellare,  data  opera,  recentem  eorum  memoriam.  Etsi  de  hac  re  non  contendo.  Plus  est  difficultatis  in  proximo  membro  quod  sequitur  npbc  S  buvoca&s,  avaytvdbaxovTec  vorjaac,  etc.  Vertit  Erasmus:  ex  quibus  potestis  legentes  intelligere.  Sed  non  patitur  syntaxis  graeca^  meo  iudicio,  ut  avaytv&  axstv  xl  pro  legere  sumatur.  Proinde  lectoribus  considerandum  relinquo  an  non  aptior  sit  sensus:  ad  quod  potestis  attendentes  (vel,  agnoscentes)  intelligere.  Atque  ita  participium  cum  praepositione  npoc  contexetur.  Si  tamen  seorsum  et  absolute  accipias  avaytvoaxovcec,  sensus  utcunque  constabit  sic  :  Legendo  potestis  secundum  id,  quod  scripsi,  intelligere:  ut  ita  Tcpoc  S  tantundem  valeat  atque  %a  '  o.  Atque  hic  coniecturas  posui  ut  in  re  dubia.  Caeterum  si  recipimus  quod  omnibus  fere  probatur,  apostolum  ante  scripsisse  Ephesiis,  epistola  haec  non  sola  nobis  periit.  Nec  tamen  est  quod  obganniant  impii,  mutilam  esse  scripturae  doctrinam,  vel  minus  absolutam  aliqua  ex  parte.  Si  Pauli  sollicitudo  rite  a  nobis  reputetur,  si  vigilantia  et  assiduitas,  si  zelus  et  studii  fervor,  si  humanitas  in  iuvandis  fratribus  ac  promptitudo  :  facile  erit  inde  coniicere  quam  multas  scripserit  epistolas  huc  et  illuc,  tam  publice  quam  privatim.  Verum  quas  Dominus  necessarias  esse  providebat  ecclesiae  suae,  eas  sua  providentia  aeternae  memoriae  consecravit.  Sciamus  ergo,  nobis  sufficere  quod  relictum  est,  nec  fortuito  accidisse  quod  tam  pauca  exstant:  sed  mirabili  Dei  consilio,  qualecunque  ess  hoc  quod  habemus,  scripturae  corpus  fuisse  attemperatum.  4.  Cognitionem  meam  in  mysterio*  Ex  hac  tam  frequenti  repetitione  colligere  licet  quam  necessaria  res  sit  vocationis  certitudo,  tam  in  populo  quam  12