50:178  tatione  accinxerit,  certus  de  consilio  Dei.  In  constructione  verborum  dissentit  Erasmus  a  vulgari  interprete.  Sic  enim  connectit:  quum  Deo  visum  est  ut  Christum  inter  gentes  praedicarem,  qui  me  ad  hoc  vocavit,  ut  eum  per  me  revelaret.  Sed  vetus  translatio  melius,  iudicio  meo,  congruit.  Nam  Christi  primum  revelatio  ei  oblata  fuit:  deinde  mandata  praedicatio.  Vel  si  Erasmi  translationem  sequi  lubet,  ut  ev  e[xoE  per  me  significet:  adhuc  tamen  haec  particula  ut  p  r  a  e  d  i  c  a  r  em  addita  est  ad  exprimendum  modum  revelationis.  Caeterum  prima  facie  non  ita  firma  Pauli  argumentatio  videri  possit  :  nam  utcunque  ad  christianismum  conversus  mox  inconsultis  apostolis  praedicandi  evangelii  munus  susceperit:  non  tamen  propterea  sequitur,  ipsum  Christi  revelatione  fuisse  ad  id  instructum.  Verum  pluribus  rationibus  nititur:  quas  omnes  si  in  unum  colligas,  satis  ad  iustam  argumentationem  facient.  Primum,  se  Dei  gratia  vocatum  fuisse  :  deinde  suum  apostolatum  fuisse  approbatum  a  reliquis  apostolis:  et  quae  sequuntur.  Meminerint  ergo  lectores,  totam  narrationem  coniunctim  legere:  et  tandem  ex  summa  concludere,  non  ex  singulis  partibus.  Qui  me  segregaverat.  Segregatio  haec  Dei  consilium  fuit,  quo  Paulus  destinabatur  ad  munus  apostolicum,  antequam  se  hominem  natum  esse  sciret:  sequuta  est  postea  vocatio  suo  tempore,  quum  Dominus  voluntatem  de  illo  suam  manifestavit  et  iussit  eum  ad  opus  accingi.  Caeterum  non  dubium  est  quin  Deus  ante  mundum  conditum,  quid  de  unoquoque  nostrum  acturus  esset,  decreverit  et  arcano  iudicio  suas  cuique  partes  assignaverit.  Sed  interdum  scriptura  solet  ponere  istos  tres  gradus:  aeternam  Dei  praedestinationem,  designationem  ab  utero  et  vocationem,  quae  est  effectus  et  complementum  utriusque.  Paulo  aliter  Ieremiae  primo  (v.  5)  loquitur  Dominus  quam  sonent  Pauli  verba,  eodem  tamen  sensu:  Priusquam  formarem  te  in  utero,  novi  te:  priusquam  de  utero  exires,  sanctificavi  te:  dedi  te  prophetam  gentibus.  Nondum  enim  genitum  sanctificaverat  etiam  Paulum  Deus  ad  officium  apostoli,  sicuti  Ieremiam  ad  officium  prophetae  :  sed  dicitur  rursus  ab  utero  nos  segregare,  quia  in  hunc  finem  edimur  in  mundum,  ut  in  nobis  quod  statuit,  compleat.  Vocatio  autem  usque  ad  suam  opportunitatem  differtur,  ubi  nos  aptavit  Deus  ad  munus  quod  iniungit  exsequendum.  Ergo  sic  potes  resolvere  Pauli  verba  :  ubi  Deo  placuit  filium  suum  per  me  revelare,  qui  me  vocavit,  quemadmodum  ante  segregaverat.  Nam  indicare  voluit  suam  vocationem  ab  arcana  Dei  electione  pendere:  neque  se  ordinatum  ideo  fuisse  apostolum,  quia  se  propria  industria  ad  subeundum  tantum  munus  comparaverit:  vel  quia  idoneum  deprehenderit  Deus,  cui  partes  istas  mandaret:  sed  quia  antequam  nasceretur,  arcano  Dei  consilio  destinatus  fuerat.  Nam  ita  cau-  12