5:178  que  evidentibus  scripturae  testimoniis  nos  probaturos  recipimus.  Valeat  hic  quidquid  est  humanae  prudentiae:  quae  multa  quidem  de  anima  cogitat,  nihil  tamen  rectum  1)  percipit.  Valeant  philosophi:  quibus,  quum  in  omnibus  paene  rebus  solenne  sit,  nec  finem,  nec  modum  facere  dissensionibus,  hic  ita  inter  se  rixantur,  ut  vix  duos  testes  habiturus  sis,  in  quacunque  tandem  opinione  acquiescas.  De  animae  facultatibus  praeclare  aliquot  locis  Plato:  argutissime  autem  omnium  Aristoteles  disseruit.  Verum  quid  sit  anima,  et  unde  sit,  frustra  ab  iis  et  universa  omnino  sapientum  natione  quaeras,  quanquam  multo  certe  et  prudentius  et  sincerius  senserunt,  quam  isti  nostri,  qui  se  Christi  discipulos  esse  gloriantur.  Prius  tamen  quam  longius  progrediamur,  ansa  logomachiae  praecidenda:  quam  arripere  ex  eo  possent,  quod  nunc  spiritum  et  animam  promiscue  vocabimus  id  de  quo  nunc  nobis  controversia  est:  interdum,  ut  diversa,  distincte  enunciabimus,  [fol.  2]  Nam  hic  est  usus  scripturae,  dare  his  verbis  varias  acceptiones:  quarum  plerique  dum  nullam  habent  rationem,  ut  quaeque  prima  sibi  occurrit,  eam  mordicus  tenent  et  pervicaciter  defendunt.  Aliquoties  legerunt  animam  pro  vita:  id  perpetuum  putant  et  acerbe  confirmant.  At  si  quis  contra  obiiciat  versum  Davidis  (Psal.  49,  19):  Anima  eorum  in  vita  benedicetur:  interpretabuntur  vitam  in  vita  benedici?  Similiter  si  locus  ille  ex  Samuele  proferatur:  Per  vitam  tuam,  et  per  vitam  animae  tuae  (2  Sam.  11,  11):  an  istis  verbis  nihil  significari  dicent?  Nos  itaque  scimus,  animam  saepissime  pro  vita  poni,  ut  in  istis  locis:  Anima  mea  in  manibus  meis  (Psal.  119,  109);  item:  Quare  lacero  carnes  meas  dentibus  meis,  et  animam  meam  porto  in  manibus  meis  (Iob.  13,  14)?  item:  Nonne,  anima  pluris  est  quam  esca  (Matth.  6,  25)?  item:  Stulte,  anima  tua  hac  nocte  repetetur  abs  te  (Luc.  12,  20);  et  similibus,  quos  isti  animicidae  semper  in  ore  habent.  Non  tamen  est,  quod  1)  Sic  sola  1542,  quacum  consentit  Gallus  qui  habet:  pur  et  droit.  Caeterae  legunt:  certum.  12