20:178  cui  tota  res  est  commissa,  me  in  scholam  illam  trilinguem  pertrahere,  quam  noster  princeps  erigit.  Ubi  mihi  quadringentae  pendantur  librae  praeter  aedeis  et  alia  commoda  non  pauca:  sed  me  omnino  statuisse,  quamdiu  res  patientur,  stationem  meam  tueri,  atque  hanc  quam  nactus  sum  spartam  ornare:  quod  utinam  felix  ac  faustum  sit.  Novit  Dominus,  quo  id  animo  faciam,  et  antehac  fecerim:  nec  non  mihi  testes  erunt  quamplurimi,  quam  semper  studiosus  fuerim  patriae,  ubi  vel  tantillum  spei  supererat.  Boni  ergo  consule,  quod  vicarium,  ut  efflagitas,  nominem,  mihi  in  caeteris  paene  parem,  laboris  tolerantia  et  corporis  habitudine  ac  sensuum  integritate  longe  superiorem.  Aliud  si  possim  praestare,  multo  sane  libentius  praestabo  ac  diligentius  maiorique  contentione  quam  a  me  postuletur.  Nunc  hanc  veniam  da  tuo  Mercero,  et  me  patriae  relinquito  tantisper,  dum  hic  agere  licet.  Dominus  nostra  dirigat  consilia,  studia  et  conatus  fortunet,  et  te,  vir  inprimis  observande,  diu  suae  ecclesiae  servet  incolumem.  Lutetiae  pen.  Octobris,  anno  1563.  Tuus  I.  M.  4040.  ZANCHIUS  CHAILLETO.l)  Post  integrum  semestre  denuo  veterem  suam  cramben  recoquit,  oblata  iam  etiam  Lugdunensibus  sua  praesentiae  definitione.  (Ex  Tomo  VIII.  Opp,  Zanchi  P.  II.  p.  138.)  Falleris,  mi  frater  carissime,  falleris  inquam,  nec  parum  falleris,  si  putas  me  a  tradita  et  defensa  per  me  hic  doctrina,  vel  latum  digitum  recessisse,  vel  etiam  defectionem  ullam  simulasse.  Principio  articuli  in  se  nihil  aperte  impium  continent,  cui  non  possit  bona  conscientia,  sed  adhibitis  exceptionibus,  imo  etiam  cui  non  debeat,  pacis  scholae  atque  ecclesiae  conservandae  gratia,  subscribi:  id  quod  etiam  D.  Calvinus  non  semel  testatus  est,  tum  4040.1)  David  Chaillet  Neocomensis  a.  1562  v.  d.  m.  in  Delphinatu,  postea  Lugduni  unde  a.  1565  in  patriam  rediit  ibi  denuo  ministerio  functurus.  Cf.  Arnaud,  Hist  d.  prot  du  Dauphine  II.  381.  Haag  III.  311  qui  librum  ab  eo  editum  laudat:  Traite  de  la  fin  ou  usage  des  miracles  et  de  la  conception  de  la  vierge  Marie.  Paris.  s.  a.  Hist.  eccl  III.  216  eum  non  recenset  inter  ministros  Lugdunenses  qui  aderant  tempore  edicti  Ianuarii,  ergo  post  hoc  advenisse  videtur.  12