15:178  Vous  en  aves  desia  ung  a  Genefve  quamena  de  Diion  La  femme  de  son  voisin,  homme  de  bien  tout  vivant  au  lieu  de  Cortyvron,  ie  vous  prie  de  namasser  tant  de  bagaige  en  vostre  diocese,  ains  les  renvoyer  a  leurs  marys  car  il  est  plus  honneste.  Ma  femme  dict  que  iames  ne  sceut  si  son  mary  estoit  mort  iay  encore  demye  douzaine  de  missives  escriptes  de  sa  main  par  lesquelles  elle  me  mande  quelle  a  ouy  novelle  de  la  mort  de  son  mary,,  nommeement  dict  elle  par  ung  cappitaine  nomme  Iehan  Roy,  avant  que  luy  donner  vostre  conseil,  interroges  la  sur  tous  ces  poinctz  et  si  iames  ma  escrit  telle  lectre  et  si  elle  dict  du  contre  ie  donne  ma  vie  et  honneur  si  ie  ne  produictz  telles  missives  escrites  et  signees  de  sa  main;  pourtant  donnes  vous  garde:  luy  oultre  cuideement  donner  advis  que  bien  nayes  poisees  ces  choses,  car  pardevant  mes  honnorez  Seigneurs  soyes  adverty  que  a  layde  de  Dieu  et  de  mes  amys  noblieray  rien  derrier.  1980.  FONSELET  A  CALVIN.  Meme  sujet  A  Maistre  Iehan  Calvin  ministre  de  l'Eglise  de  Genefve.  Maistre  Iehan  Calvin  ioubliy  dernierement  vous  informer  dung  poinct  bien  necessaire  cest  que  vous  interrogeres  delie  si  iames  les  evangelistes  de  Diion,  nommeement  ung  feu  philippe  Artenet  ung  Paul  Barbier  et  a  mon  advis  ung  aultre  nomme  Jacque  Preudhommie  luy  ont  iames  suade  (sil  ny  avoit  entre  elle  et  moy  que  les  promesses)  de  me  laisser,  luy  disant  sil  ny  a  accomplissement  par  oeuvre  nous  vous  ferons  avoir  ung  homme  de  bien,  a  quoy  leur  respondit  qui  est  ce  homme  de  bien?  Le  voyla  ces  chaulses  iaulnes  et  se  nommoit  le  personnage  Blaise  Largentier  A  quoy  leur  dict  vous  maves  demande  sil  y  a  que  promesse  mes  le  plus  fort  est  faict  ie  nen  auray  iames  que  celluy  que  iay  car  vous  me  dictes  que  ne  me  puis  marier  a  luy  auray  ie  mieulx  cestuy  cy.  Lors  philippe  Artenet  luy  dict  ientens  donc  quaves  heu  sa  compagnie.  Il  est  ainsi,  dict  elle.  Ha  malheureuse  nous  vous  eussions  donne  cest  homme  de  bien,  Or  lestant  alle  depuis  veoir  me  compta  ce  faict.  Ie  voy  bien  me  dict  elle  que  iauray  beaucoup  dennuy?  ces  gens  mont  envoye  querir  a  ung  banquet  ou  nous  avions  ung  bon  chappon  et  bonne  perdris.  12