9:177  177  AD  WESTPHALUM.  178  esset,  ad  solos  fideles  restringi,  quod  Paulus  consulto  etiam  incredulis  [pag.  107]  tribuit,  ne  donorum  Dei  abusus  idem  quo  perierunt  illi,  exitium  nobis  accersat.  Haec  enim  summa  est,  quum  toti  populo  veteri  sub  manna  et  aqua  olim  oblata  fuerit  Christi  communicatio,  et  tamen  multi  Deo  non  placuerint,  non  esse  hodie  superbiendum,  ubi  ad  eandem  participationem  Christus  invitat:  sed  dandam  esse  operam  ut  inaestimabili  dono  pie  riteque  utamur.  Porro  quaecunque  ex  Augustino  discrimina  profert  Westphalus,  non  alio  tendunt  quam  ut  sciamus  spiritualium  donorum  quae  sub  lege  gustaverunt  patres,  vel  quibus  pro  temporis  mensura  potiti  sunt,  plenitudinem  in  evangelio  esse  exhibitam:  sicuti  et  nos  ingenue  docemus,  sacramenta  patrum  et  nostra,  secundum  plus  et  minus  differre:  quia  etsi  communis  utriusque  substantia  est  Christus,  non  tamen  aequalis  est  eius  exhibitio.  Quo  iterum  evertitur  Westphali  impietas,  [pag.  108]  sicuti  Augustini  verbis  quae  recitat,  impudentia  coarguitur:  significatione,  non  re  ipsa,  quia  tunc  figura,  nunc  veritas.  Quasi  vel  Paulus  figuram  opponat  veritati,  dum  nos  sub  signis  similibus  eiusdem  spiritualis  gratiae  facit  consortes:  vel  Augustinus  differentiam  alibi  ponat,  quam  in  significandi  modo.  Quod  autem  dicit,  si  liceat  negare  Christi  corpus  in  coena  percipi,  quia  in  figura  veteres  habehant  Christum  praesentem,  eodem  iure  negari  posse  apostolos  vidisse  Christum  in  coena,  quia  fide  praesens  erat  patribus,  in  eo  tam  se  lepidum  dialecticum  prodit,  quam  hactenus  vidimus  probum  et  fidelem  esse  theologum.  Nam  quum  hodie  sub  figura  panis  eundem  nobis  Christum  offerri  constet,  qui  olim  datus  fuit  sub  figura  mannae,  longe  hic  diversa  ratio  est  quam  ocularis  aspectus,  et  fidei.  Ineptias  hominis,  quae  sponte  evanescunt,  longius  persequi  nihil  attinet.  Sex  paginis  commemorat  dispares  inter  legis  [pag.  109]  et  evangelii  sacramenta  notari  gradus  ah  Augustino,  ut  tandem  concludat  eadem  esse  in  rebus  significatis,  non  autem  in  rerum  exhibitione.  Quasi  vero  ubi  effectu  caret  significatio,  aliud  sit  quam  mera  fallacia.  Tortuoso  quidem  complexu,  instar  anguis  varia  miscens,  absurditatem  illam  tegere  conatur:  quisquis  tamen  ad  scopum  animadvertet,  facile  videbit  nihilo  minus  esse  dissidii  inter  eius  commentum  et  Augustini  doctrinam,  quam  ab  hoc  sancto  doctore,  vel  Scotus,  vel  alius  quispiam  ex  illa  sophistarum  cohorte  discrepat.  Atque  haec  ratio  est,  cur  tot  hominis  iactanctias  relinquam  intactas,  quia  eadem,  qua  eas  effutivit,  levitate  diffluent.  Venio  nunc  ad  confessiones  Saxonum,  l)  quas  1)  Innuit  librum  Magdeburgae  a.  1557  editum  in  quo  ^Westphalus  plurimorum  ministrorum  Saxoniae  inferioris  con-  Calvini  opera.  Vol  J  X.