7:177  177  DES  LIBERTINS.  178  Quant  a  ce  poinct  il  n'y  a  uulle  controversie,  que  toute  la  doctrine  de  Dieu  ne  soit  spirituelle:  comme  aussi  nous  enseignons.  Or  ces  phantastiques  n'ont  autre  chose  en  la  langue,  et  ne  sait  on  a  quelle  intention,  sinon  que  ilz  voudroyent  forger  une  parolle  nouvelle,  qui  fust  comme  un  phantosme.  Ilz  appellent  Iesus  Christ  esperit.  Sainct  Paul  luy  a  bien  attribue  une  fois  ce  nom  (2  Cor.  3,  17):  mais  non  pas  simplement.  Car  il  l'appelle  l'esprit:  c'est  a  dire  l'ame  de  la  loy,  pource  que  sans  luy  elie  est  comme  morte,  ainsi  que  nous  avons  dit.  Mais  ces  bestes  confondent  tout  sans  raison,  ne  mettans  nulle  difference  entre  le  filz  de  Dieu  et  son  esprit.  Ie  ne  dis  pas  [page  68]  toutes  les  manieres  dont  ilz  en  usent,  car  il  n'y  auroit  point  de  fin,  seulement  i'ay  voulu  alleguer  ces  exemples  en  passant,  pour  advertir  tous  fideles,  a  fin  qu'en  oyant  nommer  ce  mot  d'esprit,  ilz  regardent  bien  en  quelle  signification  on  le  prent,  pour  .ne  se  laisser  point  embrouiller  en  choses  confuses,  ou  il  n'y  ait  ne  rhyme  ne  raison.  D'avantaige  il  est  a  noter,  qu'en  appliquant  ainsi  confusement  le  nom  d'esprit  a  tout  ce  qui  leur  nent  en  la  teste,  non  seulement  ilz  troublent  le  sens  des  auditeurs,  en  meslant  les  choses  qui  doivent  estre  distinctes:  mais  aussi  ilz  les  emfabouinent,  en  leur  faisant  a  croire  qu'ilz  sont  tous  spirituelz  et  divins,  et  qu'ilz  sont  a  demy  ravis  avec  les  Anges.  Et  en  cela  les  meilleurs  y  seroyent  quelques  fois  prins  du  commencement,  iusque  a  ce  qu'on  s'appercoyve  a  quel  but  tend  ceste  spiritualite.  Ie  dis  cecy  pource  que  auiourdhuy  c'est  un  grand  scandale  a  tous  bons  cueurs,  de  voir  un  grand  nombre  de  gens  volages,  qui  tirent  la  [page  69]  parolle  de  Dieu  en  leur  sensualite,  tournant  la  liberte  chrestienne  en  licence  dissolue  de  la  chair:  ou  bien  en  devisant  de  l'Evangile,  vivent  deshonnestement,  et  blasphement  Dieu  par  leurs  oeuvres,  en  le  glorifiant  de  bouche  (Tit.  1,  16).  Si  donc  quelqu'un  de  bon  zele  tombe  entre  les  mains  de  ces  gallans:  quand  il  ne  les  orra  parler  que  d'esprit,  et  que  la  parolle  de  Dieu  n'est  que  esprit,  et  que  Iesus  Christ  semblablement  est  esprit,  et  qu'il  nous  faut  estre  espritz  avec  luy,  et  que  nostre  vie  doit  estre  esprit:  il  luy  semblera  de  prime  face  que  ce  sont  bons"  zelateurs,  qui  se  sachent  de  voir  la  parolle  de  Dieu  estre  ainsi  pollue  et  mise  en  vitupere  par  la  meschante  vie  des  faux  chrestiens.  Estant  ainsi  amielle,  il  concevra  d'eux  une  bonne  opinion,  qui  l'induira  a  leur  porter  amour,  et  leur  adiouster  aucunement  foy.  Mais  puis  apres  ilz  viennent  desgorger  leur  venin:  et  tombent  de  ce  haut  parler,  comme  dict  sainct  Iude  (v.  10),  a  une  doctrine  brutale.  Car  nous  verrons  puis  apres  que  nul  ruffien  de  bordeau,1)  ne  brigant  de  bois,  mesme  le  plus  1)  nullum  quamlibet  prostitutae  libidinis  scortatorem.  Calvtm  opera.  Vol  VIL