55:177  177  CAPUT  XII.  178  12.  Quare  manus  remissas.  Postquam  docuit,  Deum  saluti  nostrae  prospicere  dum  nos  castigat,  inde  nos  ad  alacritatem  hortatur:  nihil  enim  est  quod  nos  magis  debilitet  adeoque  exanimet  prorsus,  quam  quum  falsa  imaginatione  occupati  nullum  gratiae  Dei  gustum  habemus  in  rebus  adversis.  Ideo  nihil  est  ad  nos  erigendos  hac  significatione  efficacius,  Deum  nobis  adesse  etiam  quum  nos  affligit,  ac  de  nobis  esse  sollicitum.  Caeterum  his  verbis  non  tantum  ad  ferendas  magno  animo  afflictiones  hortatur,  sed  admonet  non  esse  causam  cur  resides  ac  pigri  simus  ad  faciendum  officium.  Nam  plus  satis  experimur  quantum  nos  impediat  metus  crucis  ne  Deo,  sicuti  par  erat,  serviamus.  Libenter  multi  profiterentur  suam  fidem  :  sed  quia  sibi  a  persequutione  timent,  manus  et  pedes  pium  illum  animi  affectum  destituunt.  Libenter  certarent  multi  pro  Dei  gloria,  susciperent  bonas  ac  iustas  causas  privatim  et  publice,  officia  sua  Deo  et  fratribus  impenderent:  sed  quia  periculum  est  ab  odiis  improborum,  quia  molestias  complures  sibi  esse  paratas  vident,  quasi  manibus  complicatis,  otiosi  quiescunt.  Ergo  si  semel  correctus  fuerit  in  nobis  nimius  ille  crucis  timor,  et  ad  tolerantiam  compositi  simus:  nulla  erit  pars  nostri  quae  non  apta  sit  ac  format  ad  munus  suum  Deo  praestandum.  Hoc  est  ergo  quod  intelligit  apostolus.  Manus,  inquit,  remissas  ideo  habetis,  genua  vestra  ideo  labascunt,  quia  non  agnoscitis  quae  vera  sit  in  rebus  adversis  consolatio:  ideo  ad  officium  tardi  estis.  Nunc  vero  quum  ostenderim  quam  utilis  sit  vobis  crucis  disciplina,  debet  haec  doctrina  excitare  novum  in  omninus  vestris  membris  vigorem,  ut  manibus  ac  pedibus  ad  sequendam  Dei  vocationem  alacres  ac  prompti  sitis.  Porro  ad  locum  Esaiae  alludere  videtur,  qui  habetur  cap.  35,  3.  Praecipit  illic  propheta  piis  doctoribus,  ut  proposita  spe  gratiae  genua  trepidantia  et  debiles  manus  confirment.  Apostolus  universos  fideles  iubet  id  facere:  nam  si  hic  usus  est  consolationum  quas  nobis  Dominus  proponit:  quemadmodum  doctoris  munus  est  totam  ecclesiam  erigere,  ita  unusquisque  doctrinam  peculariter  sibi  destinando,  se  ipsum  erigit  atque  animat.  13.  'Rectas  vias  facite.  Hactenus  docuit  nitendum  esse  Dei  consolationibus,  ut  simus  ad  bene  agendum  fortes  ac  strenui:  atque  illam  esse  fulturam  nostram.  Nam  secundum  adiungit:  nempe,  ut  prudenter  ambulemus  ac  teneamus  rectum  cursum.  Nihilo  enim  minus  vitiosus  est  inconsideratus  fervor  quam  inertia  et  mollities.  Quamquam  haec  viae  rectitudo,  quam  commendat,  inde  procedit  quum  mens  hominis  omni  metu  superior  tantum  quid  Deo  probetur  reputat:  nam  timor  ad  quaerenda  diverticula  ingeniosus  est  plus  satis.  Quemadmodum  ergo  perverso  metu  impliciti  flexuosas  nobis  vias  quaerimus,  ita  econverso,  quisquis  se  ad  tolerantiam  Calvini  opera.  Vol.  LV*